Turızm jáne sport mınıstrí Erbol Myrzabosynov bıyl Japonıyanyń Nagoya qalasynda (19 qyrkúıek – 4 qazan) ūıymdastyrylatyn XX jazǵy Azıya oıyndaryna ūlttyq qūramany sapaly daıyndauǵa arnalǵan jūmys keńesín ótkízdí, – dep habarlaıdy aqshamnews.kz tílshísí.
Jıynda ūlttyq komandanyń qūramyn qalyptastyru, sportshylardyń básekege qabílettílígín arttyru jáne basym sport túrleríndegí daıyndyqty tıímdí ūıymdastyru máselelerí talqylandy.
Bıylǵy Azıya oıyndary baǵdarlamasyna 43 sport túrí engen. Sportshylar 438 medal jıyntyǵy sarapqa salady. Aldyn ala boljam boıynsha, Qazaqstan qūramasynan Azıadaǵa 30-dan astam sport túrínen 500-ge juyq sportshy qatysady.
Mınıstrlík ūlttyq sport federatsıyalarymen bírlese otyryp daıyndyq josparyn jasady. Onda oqu-jattyǵu jıyndaryn ótkízu, halyqaralyq jarystarǵa qatysu, sondaı-aq sportshylarǵa medıtsınalyq, ǵylymı jáne ádístemelík qoldau kórsetu qarastyrylǵan.
Daıyndyq barysynda arnaıy shtab qūrylyp, eń kóp medal alu múmkíndígí bar basym sport túrlerí anyqtaldy.
Ūlttyq qūramany jasaqtauda sportshylardy ashyq jáne ádíl íríkteuge basa nazar audaryldy. Íríkteu halyqaralyq jarystardaǵy, sonyń íshínde álemdík jáne Azıya chempıonattaryndaǵy, sondaı-aq íríkteu turnırleríndegí nátıjelerge negízdeledí.