Soltústík Qazaqstan oblysynda telefon alayaqtary ekí zeınetkerdí írí kólemdegí qarajatynan aıyrmaq bolǵan, – dep habarlaıdy aqshamnews.kz tílshísí.
Alaıda polıtseılerdíń jedel áreketíníń arqasynda 6 mıllıon teńgege juyq aqsha audarylmaı, aman qaldy,
Alǵashqy oqıǵada 75 jastaǵy áıel sauda ortalyǵynda bankomat arqyly "Anastasıya esímdí jıeníne" 1,5 mıllıon teńge audarmaq bolǵan. Sol sátte kezekshílíkte júrgen polıtseıler zeınetkerdíń alayaqtardyń yqpalyna túskenín baıqap, ony toqtatqan. Alaıda áıel bastapqyda tártíp saqshylaryna senbeı, típtí polıtsıya bólímshesíne jetkízílgennen keıín de alayaqtarmen baılanysyn úzbegen.
SQO Polıtsıya departamentí kıberqylmysqa qarsy ís-qımyl basqarmasynyń aǵa jedel uákílí Mılena Balatskayanyń aıtuynsha, mūndaı tásíl alayaqtar arasynda jıí kezdesedí. Olar jábírlenushíní qorshaǵan ortasynan oqshaulap, ózderín ǵana senímdí adam retínde kórsetuge tyrysady.
Kóp ūzamaı sol bankomatqa taǵy bír áıel kelíp, 4,5 mıllıon teńgení basqa esepshotqa audarmaq bolǵan. Bíraq kútpegen jaıt onyń áreketín toqtatty. Telefon arqyly «ūlynyń» dauysyn estígen áıel bírden kúmándanǵan. Keıín anyqtalǵandaı, onyń ūly bírneshe aı būryn qaıtys bolǵan.
Polıtsıya mūndaı alayaqtyq shemalarda «qauípsíz shot», «aına shot» sekíldí jalǵan ūǵymdar jıí qoldanylatynyn eskerttí. Mamandardyń sózínshe, beıtanys adamdar shūǵyl túrde aqshańyzdy basqa esepshotqa audarudy talap etse nemese būl jaıynda eshkímge aıtpauyn sūrasa, būl — alayaqtyqtyń aıqyn belgísí.
Tártíp saqshylary mūndaı jaǵdaıda áńgímení bírden toqtatyp, jaqyndaryńyzǵa ne polıtsıyaǵa habarlasuǵa keńes beredí.