Betperde kıgen qaıyrymdy jan taǵy bír mūqtaj otbasyǵa kómek qolyn sozdy. Būl joly ol sırek dertke shaldyqqan 15 jastaǵy Aqnūrǵa qoldau kórsetken, – dep habarlaıdy aqshamnews.kz tílshísí.
Aqnūr taran súıegíníń dısplazıyasy dıagnozymen auyrady. Qazaqstandyq dárígerler oǵan naqty kómek kórsete almaǵan. Otbasynyń áleumettík jaǵdaıy da auyr: anasy tapsyryspen táttí písírse, aǵasy shınomontajda jáne júk tasushy bolyp eńbek etedí. Ózderí jaldamaly páterde tūryp kelgen.
Jelíde taraǵan vıdeoda Aqnūr ózíníń 2-toptaǵy múgedek ekenín aıtyp, ayaǵynan aıyrylyp qaluy múmkín ekenín jetkízgen. Dárígerler oǵan shetelde em qabyldau qajet ekenín aıtqan. Qyzdyń eń úlken armany – ayaǵyna tūryp, mektepke baryp, qatarlastarymen bírge oqu.
Osy úndeuge «Betperdedegí adam» atymen tanylǵan qaıyrymdy jan jauap berdí. Ol Aqnūrǵa emdelu men oquyna qajettí qarajat salynǵan konvert tabystap, otbasyna jeke páter syılaǵan.
Qazír Aqnūr anasy jáne aǵasymen bírge Túrkıyada em qabyldap jatyr. Qaıyrymdy jannyń aıtuynsha, qyzdan onkologıya belgílerí de anyqtalǵan. Sondyqtan alda ony kúrdelí em kútíp tūr.