Almatyda 6-7 sáuír kúnderí «Kólígíńízdíń shyǵaryndysyn tekseríńíz» atty ekologıyalyq aktsıya ótedí. Onyń ayasynda qala tūrǵyndary óz kólígín ekologıyalyq talaptarǵa sáıkestígí boıynsha tegín teksere alady, dep habarlaıdy Aqshamnews.kz tílshísí.
Almatyda aua sapasyn jaqsartu jáne júrgízushílerdíń ekologıyalyq jauapkershílígín arttyru maqsatynda «Kólígíńízdíń shyǵaryndysyn tekseríńíz» atty arnaıy aktsıya ūıymdastyrylady.
Ís-sharany «Eco Almaty» JShS ótkízedí. Aktsıya barysynda qala tūrǵyndary óz avtokólígín ekologıyalyq talaptarǵa sáıkestígí tūrǵysynan tegín tekserte alady.
Tekseru kezínde mamandar kómírtek oksıdíníń (CO) deńgeıín jáne paıdalanylǵan gazdardyń tútíndenu kórsetkíshín ólsheıdí. Barlyq jūmys mobıldí ekologıyalyq zerthana arqyly jedel júrgízíledí.
Ūıymdastyrushylardyń málímetínshe, tekseru tolyqtaı tegín ótedí jáne onyń qorytyndysy boıynsha júrgízushílerge qatysty eshqandaı ákímshílík shara qoldanylmaıdy.
Aktsıyanyń negízgí maqsaty – kólík ıelerín avtokólíktíń tehnıkalyq jaı-kúıí turaly habardar etu, sondaı-aq shyǵaryndylardy uaqytyly baqylaudyń mańyzyn túsíndíru.
Atalǵan shara Almaty qalasynyń atmosferalyq auany qorǵau qaǵıdalaryn íske asyru ayasynda ótkízílíp otyr. Būl bastama avtokólík shyǵaryndylaryn aua lastaıtyn negízgí kózderdíń bírí retínde azaıtuǵa baǵyttalǵan.
Aktsıya 2026 jylǵy 6-7 sáuír kúnderí saǵat 10:00-den 13:00-ge deıín ótedí. Mekenjaıy: Chaplygın kóshesí, 1/1, avtotūraq aumaǵy.