Jambyl oblysynda kene shaqqan er adam Kongo-Qyrym gemorragıyalyq bezgegínen kóz jūmdy, dep habarlaıdy Aqshamnews.kz tílshísí.
Qaıǵyly jaǵdaı Shu audanynda tírkelgen. Malshyny kene shaǵyp, alaıda ol der kezínde medıtsınalyq kómekke júgínbegen. Mamandardyń aıtuynsha, nauqas uaqytynda ekpe almaǵandyqtan auru asqynyp ketken.
Qazír oblysta kene shaqqan 300-ge juyq adam dárígerlerdíń baqylauyna alynǵan. Olardyń qanynan qauíptí ınfektsıya anyqtalmaǵanymen, óńírde aurudyń taralu qaupí joǵary bolyp otyr.
Mamandardyń málímetínshe, Jambyl oblysynda kóktemgí zertteu jūmystary bastalǵan. Tabıǵı oshaqtardan jınalǵan 2700-den astam kene zerthanaǵa jíberílíp, olardyń 151-ínen Kongo-Qyrym gemorragıyalyq bezgegíníń qozdyrǵyshy tabylǵan.
Būǵan deıín óńírdegí 42 eldí meken qauíptí índet oshaǵy retínde tírkelgen. Qazír atalǵan aumaqtarda qaıta tekseru júrgízílíp jatyr.
Jergílíktí malshylar da keneníń kóbeıíp ketkenín aıtyp dabyl qaǵuda. Olardyń sózínshe, zıyankes jándíkter tórt túlíkke de úlken zıyan keltíríp jatyr.