Almaty ákímdígí Nauryzbaı audanyndaǵy «Shūǵyla» shaǵynaudanynda ornalasqan jer uchaskesíníń bír bólígín memleket mūqtajy úshín májbúrlep ıelíkten shyǵaru turaly qauly qabyldady, dep habarlaıdy Aqshamnews.kz tílshísí.
Qaulyǵa sáıkes, jolaushylar jáne jol kólígín ūıymdastyru maqsatynda «Otau-Stroı» JShS-ne tıesílí jer uchaskesíníń bír bólígí memleket qajetíne alynady.
Jer telímí Almaty qalasy, Nauryzbaı audany, «Shūǵyla» shaǵynaudany, Sáken Júnísova kóshesí, 2/4 uchaske mekenjaıynda ornalasqan. Kadastrlyq nómírí – 20-322-001-103. Jalpy audany 13,4880 gektardy qūraıtyn jer uchaskesíníń 3,0565 gektar bólígí ıelíkten shyǵarylmaq.
Májbúrlep ıelíkten shyǵaru merzímí 2027 jyldyń 31 jeltoqsanyna deıín belgílengen. Menshík ıesí Almaty qalasy, Almaly audany, Tóle bı kóshesí, 155 mekenjaıyndaǵy 6-qabat, 602-keńsege júgíne alady.
Qūjatqa sáıkes, jer uchaskesíníń menshík ıesíne ótemaqy zańnamada belgílengen tártíppen tólenedí. Ielíkten shyǵaru rásímderí ayaqtalǵannan keıín jer uchaskesí «Almaty qalasy Jol qozǵalysy jáne jolaushylar kólígín ūıymdastyru basqarmasy» kommunaldyq memlekettík mekemesíníń teńgerímíne beríledí.
Qaulyǵa Almaty qalasynyń ákímí Darhan Satybaldy qol qoıǵan.