Almaty ákímdígí Rysqūlov kóshesín ūzartu jobasyna baılanysty Alatau audanyndaǵy bírneshe jer uchaskesín memleket mūqtajy úshín májbúrlep ıelíkten shyǵaru turaly qauly qabyldady, dep habarlaıdy Aqshamnews.kz tílshísí.
Qaulyǵa sáıkes, jol qūrylysy úshín Alatau audanyndaǵy «Terektí» jáne «Alǵabas» shaǵyn audandarynda ornalasqan 2 jer uchaskesí memleket qajetíne alynady. Joba Rysqūlov kóshesín Ońǵarsynova kóshesínen Almaty qalasynyń shekarasyna deıín ūzartudy kózdeıdí.
Májbúrlep ıelíkten shyǵaru rásímí 2027 jyldyń 31 jeltoqsanyna deıín jalǵasady. Menshík ıelerí Almaty qalasy, Tóle bı kóshesí, 155 mekenjaıyndaǵy 603-kabınetke júgíne alady.
Qūjatta kórsetílgendeı, ótemaqy tóleudí Almaty qalasynyń Jer qatynastary basqarmasy qamtamasyz etedí. Al jer telímderí keıín «Almaty qalasy Jol ınfraqūrylymyn damytu basqarmasy» teńgerímíne beríledí.
Ielíkten shyǵarylatyn nysandar qatarynda «Terektí» shaǵyn audanyndaǵy Ortalyq kóshesí, 78-mekenjaıyndaǵy bírneshe páter men «Alǵabas» shaǵyn audanyndaǵy F.Ońǵarsynova kóshesí, 75 mekenjaıynda ornalasqan jer uchaskesí bar.
Qauly 2026 jylǵy 6 mamyrda qabyldanǵan.