2026 jylǵy 17 sáuírde Almaty qalasynda Qazaqstan Respublıkasy Qorǵanys mınıstrlígíníń Sport komıtetí - Ortalyq sport kluby armıyasy bazasynda áskerı qyzmetshíler arasynda qazaq kúresínen «Ásker barysy - 2026» respublıkalyq íríkteu turnırí óttí, – dep habarlaıdy aqshamnews.kz tílshísí.
Atalǵan jarysqa elímízdíń kúshtík qūrylymdaryn tanystyratyn komandalar qatysty. Olardyń qatarynda Qazaqstan Respublıkasy Qaruly Kúshterí, Íshkí íster mınıstrlígí, Tótenshe jaǵdaılar mınıstrlígí, Ūlttyq ūlan, Memlekettík kúzet qyzmetí jáne Shekara qyzmetí bar. Turnırge 10 komanda, 20-ǵa juyq baluan qatysyp, ózara baq synady.
Jarysqa absolyuttík salmaq dárejesínde, yaǵnı 90 kelíden joǵary baluandar qatysty. Baluandar joǵary daıyndyq deńgeıín, kúsh-qaırat pen tózímdílíktí, sondaı-aq jeńíske degen jígerín kórsettí.
Turnırdíń basty maqsaty – áskerı qyzmetshíler arasynda qazaq kúresín keńínen nasıhattau, olardyń dene daıyndyǵyn arttyru, jauyngerlík ruhyn nyǵaıtu jáne áskerı-qoldanbaly sport túrlerín damytu.
Tartysty beldesuler nátıjesínde jeńímpaz ben júldelí ekínshí oryn ıegerí anyqtalyp, olar kúzde ótetín «Qazaqstan barysy» respublıkalyq turnıríne joldama aldy. Atalǵan dodada olar óz vedomstvolarynyń namysyn el deńgeıínde qorǵamaq.