Merzímdí áskerı qyzmetshíler 4,5 aı íshínde tek armıyada ǵana emes, azamattyq ekonomıka sektorynda da sūranysqa ıe mamandyqtardy meńgeríp shyqty,– dep habarlaıdy aqshamnews.kz tílshísí.
Jóndeushí kíshí mamandar dayarlaıtyn oqu ortalyǵynyń alǵashqy túlekterí oquyn ayaqtady.
Ótken jyly Qorǵanys mınıstríníń sheshímímen qūrylǵan mekemede oqytu toǵyz baǵyt boıynsha ūıymdastyrylǵan. Mūnda zymyran-artıllerıyalyq qaru-jaraqty, sauytty avtokólík tehnıkasyn, sondaı-aq metall, aǵash óńdeushí, dánekerleushílerdí, motorısterdí jáne akkumulyator elektrıkterín jóndeu boıynsha mamandar dayarlaıdy.
– Oqu qorytyndysy boıynsha kursanttar emtıhandardy sáttí tapsyryp, óz mamandyqtary boıynsha sertıfıkattar aldy. Sonymen qatar áskerı qyzmetshílerdíń 30%-y kelísímshart boıynsha qyzmetín jalǵastyru turaly sheshím qabyldap otyr. Būl olardyń yntasynyń joǵarylyǵyn jáne alǵan bílímderíníń sūranysqa ıe ekenín kórsetedí. Qalǵan mamandar árí qaraı qyzmet ótkeru úshín áskerı bólímderge jíberíledí, – dedí oqu ortalyǵynyń bastyǵy podpolkovnık Nūrken Orynbasarov.
Kursanttar jas jauynger kursy men mamandandyrylǵan oqytudy qamtıtyn qarqyndy daıyndyq baǵdarlamasynan óttí. Ís júzíndegí daıyndyqqa, ásírese, tehnıkany jóndeuge, dıagnostıkalauǵa jáne qyzmet kórsetu daǵdylaryn ıgeruge, onyń íshínde dalaly jerdegí íske erekshe nazar audaryldy.
– Armıyaǵa deıín avtoelektrık retínde orta arnaıy bílím alǵanmyn. Mūnda sauytty mashınalardy jóndeu mamandyǵyn ıgeríp, ózíme ūnaıtynyn túsíndím. Kelísímshart boıynsha qyzmet etíp, osy baǵytta damudy ūıǵaryp otyrmyn, – dedí merzímdí qyzmet túlekteríníń bírí qatardaǵy jauynger Nūrdos Jūmabekov.
Oqu ortalyǵyn qūru jáne damytu Qorǵanys mınıstrlígíníń áskerı qyzmetshílerdí dayarlau sapasyn arttyru jáne olarda praktıkalyq daǵdylardy qalyptastyru jóníndegí júıelí jūmysynyń bólígí bolyp tabylady. Osynda alǵan mamandyqtary áskerı qyzmetshílerge boryshyn ayaqtaǵannan keıín de ónerkásíptík sektorda, kólík jáne tehnıkalyq qyzmet kórsetu salasynda jūmysqa ornalasuǵa múmkíndík beredí.
Bıylǵy jyly ūshqyshsyz basqarylatyn avıatsıyalyq júıelerdí, trenajerler men polıgondyq jabdyqtardy jóndeu baǵyttarymen qosa, bílím alushylar sanyn ūlǵaıtu jáne mamandyqtar tízbesín keńeıtu kózdelíp otyr.