Qazaqstan Respublıkasynyń Premer-mınıstrí Oljas Bektenovtíń tapsyrmasy ayasynda Almatyda áleumettík mańyzy bar azyq-túlík tauarlarynyń baǵasyn baqylau jáne tūraqtandyru boıynsha keshendí jūmystar qolǵa alyndy, – dep habarlaıdy aqshamnews.kz tílshísí.
Bıyl 16 sáuírden bastap «Barys-4» bazaryndaǵy kóterme sauda naryǵynda baǵaǵa júıelí monıtorıng júrgízílíp keledí. Būl jūmysqa Almatynyń Kásípkerlík jáne ınvestıtsıyalar basqarmasy, Sauda jáne tūtynushylardyń qūqyǵyn qorǵau departamentí, Memlekettík kíríster departamentí, sondaı-aq Básekelestíktí qorǵau jáne damytu agenttígíníń departamentí tartylǵan.
Ís-sharalardyń negízgí maqsaty — baǵa tūraqtylyǵyn qamtamasyz etu jáne azyq-túlík baǵasynyń negízsíz ósuíne jol bermeu. Shektí sauda ústemesín (15%-dan aspaıtyn) saqtau jáne jetkízu tízbegíndegí tıímsíz deldaldyq buyndardy qysqartu máselesíne erekshe nazar audarylady.
Sonymen qatar, kásípkerlermen jáne bazar ákímshílígímen túsíndíru jūmystary júrgízílíp jatyr. Sauda-sattyqqa qatysushylarǵa zańnama talaptary, baǵa belgíleudíń ashyqtyǵy, sondaı-aq qoljetímdí árí dūrys rásímdelgen baǵa belgíleríníń boluy qajettígí túsíndírílíp keledí.
Būzushylyqtar anyqtalǵan jaǵdaıda Qazaqstan Respublıkasynyń zańnamasyna sáıkes memlekettík baqylau sharalary qabyldanady.
Monıtorıng qorytyndysy boıynsha materıaldar óńírlík komıssıyada qaralady. Qūqyq būzushylarǵa qatysty tıístí ákímshílík sharalar qoldanylady.
Būl baǵyttaǵy jūmys jalǵasyp otyr árí jítí baqylauda. Onyń nátıjesí qosymsha habarlanady.