Ís-sharany «Eco Almaty» JShS, Eco Network jáne Stada kompanıyalary ūıymdastyrdy, – dep habarlaıdy aqshamnews.kz tílshísí.
Basty maqsat — dárílík zattardy dūrys kádege jaratpau saldarynan qorshaǵan ortaǵa keletín zıyannyń aldyn alu. Sebebí olardy tūrmystyq qoqysqa nemese káríz júıesíne tastaǵan jaǵdaıda dáríler topyraq pen suǵa síńedí, al órtegen kezde atmosferalyq auaǵa tarap, ony zıyandy zattarmen lastaıdy.
Aktsıya barysynda tūrǵyndar merzímí ótken dárí-dármekterdí arnaıy belgílengen qabyldau punktteríne qauípsíz túrde tapsyra aldy. Sonymen qatar, dūrys kádege jaratpau qaupí jáne ekologıyalyq talaptardy saqtau qajettígí turaly túsíndíru jūmystary júrgízíldí.
Aktsıya ayasynda 9 kelíge deıín merzímí ótken dárílík zat jınaldy.
Jalpy, 2025 jyly shíldeden 2026 jyly 14 sáuírge deıín qaladaǵy 38 emhanada tūrǵyndardan 977 kelí dárí-dármek jınalǵan. Orta eseppen ár emhanada aı saıyn 2 kelíge deıín dárí jınalady.
Jınalǵan preparattar belgílengen tártípke sáıkes kádege jaratuǵa jíberíldí.
Mūndaı ís-sharalar qorshaǵan ortaǵa kerí áserdí azaıtyp, ekologıyalyq jauapkershílíktí qalyptastyruǵa yqpal etedí