Memleket basshysy Qasym-Jomart Toqaev barlyq deńgeıdegí máslıhat deputattarynyń ÍÍÍ respublıkalyq forumynda halyqpen ashyq árí túsíníktí dıalog ornatudyń mańyzyn atap óttí, – dep habarlaıdy aqshamnews.kz tílshísí.
Prezıdenttíń aıtuynsha, jergílíktí bılík tūrǵyndardyń máselesín der kezínde sheshíp, olardyń senímín arttyruǵa kúsh saluy kerek.
Prezıdent sońǵy jyldary ortalyqqa óńírlerden kelíp túsetín aryz-shaǵymdardyń sany artqanyn aıtty. Byltyr Prezıdent Ákímshílígíne shamamen 83 myń ótínísh túsken, būl aldyńǵy jylmen salystyrǵanda 30 paıyzǵa kóp.
Memleket basshysy kóptegen máselení jergílíktí deńgeıde sheshuge bolatynyn atap óttí. Alaıda keı jaǵdaıda tūrǵyndar óńírlík bılíkten túsíníkteme ala almaǵandyqtan, tíkeleı Prezıdentke júgínuge májbúr bolady.
«Máslıhat deputattary halyq pen bılík arasyndaǵy kópír boluǵa tıís. Olar tūrǵyndardyń máselesín sheshuge kómektesuí kerek. Būl jūmysqa olardyń qūzyretí tolyq jetedí», – dedí Qasym-Jomart Toqaev.
Prezıdenttíń aıtuynsha, byltyr oblystyq deńgeıdegí atqarushy organdarǵa shamamen 6 myń deputattyq saual joldanǵan. Degenmen, olardyń sany emes, sapasy mańyzdy.
Memleket basshysy aımaqtardyń damuy, halyqtyń tūrmys sapasynyń jaqsaruy jáne azamattardyń bılíkke degen senímí deputattardyń jūmysyna tíkeleı baılanysty ekenín atap óttí.