Almaty memlekettík bıznes kolledjí «Esep jáne audıt» mamandyǵy boıynsha oqu-ádístemelík bírlestígí jáne «Esep jáne qarjy» pándík-tsıkldík komıssıyasynyń ūıymdastyruymen kolledj studentterí arasynda «XXI buhgalter: Mamandyǵym – maqtanyshym» atty qalalyq baıqau ótedí, – dep habarlaıdy aqshamnews.kz tílshísí.
Baıqau 2026 jyldyń 13 nauryzynda ūıymdastyrylyp, oǵan Almaty qalasy men basqa oblystardaǵy tehnıkalyq jáne kásíptík bílím beru ūıymdarynyń bílím alushylary qatysa alady.
Ís-sharanyń negízgí maqsaty – «1S: Buhgalterıya 8.3» baǵdarlamasy boıynsha praktıkalyq daǵdylardy damytu, WorldSkills standarttaryn engízu jáne tájírıbege baǵyttalǵan oqytudy jetíldíru arqyly studentterdíń kásíbı dayarlyq deńgeıín arttyru.
Baıqau ekí kezeńnen tūrady. Bírínshí kezeńde qatysushylar «Vızıttík kartochka» tapsyrmasy arqyly ózín jasandy ıntellekt kómegímen tanystyrady. Ekínshí kezeńde «Óndírístík jaǵdaılar» tapsyrmasy boıynsha «1S: Buhgalterıya 8.3» baǵdarlamasynda praktıkalyq tapsyrmalar oryndaıdy.
Praktıkalyq bólímde qatysushylar normatıvtík-anyqtamalyq aqparatpen jūmys, sharuashylyq operatsıyalardy júrgízu, eńbekaqy men kadrlyq esep júrgízu jáne keıs-tapsyrmalardy sheshu boıynsha óz bílímderí men daǵdylaryn kórsetedí.
Baıqauǵa qatysu úshín ótínímderdí 2026 jyldyń 10 nauryzyna deıín elektrondy poshta arqyly jíberu qajet. Qatysushylardy tírkeu boıynsha jauapty tūlǵalar:
Danagúl Chaınusıpova – danagul8305@mail.ru, tel.: 8 778 378 61 22
Anar Seríkkulova – anka_2406@mail.ru, tel.: 8 707 540 60 94
Ís-shara Almaty memlekettík bıznes kolledjínde ótedí. Mekenjaıy: Almaty qalasy, Shevchenko kóshesí, 95.