Ákímdíktegí byudjettík komıssıyanyń qūramyna bílímdí, bedeldí máslıhat deputattaryn qosqan jón. Osylaısha, jūmystyń sapasyn arttyryp, qarajattyń tıímdí jūmsaluyn qadaǵalauǵa bolady.
Memleket basshysy Qasym-Jomart Toqaev barlyq deńgeıdegí máslıhat deputattarynyń ÍÍÍ respublıkalyq forumynda qyruar qarjyny ońdy-soldy shashyp, paıdasy joq bastamalarǵa jūmsaudy doǵaru qajettígín eskerttí, – dep habarlaıdy aqshamnews.kz tílshísí.
“Ákímder respublıkalyq byudjetten beríletín túrlí dotatsıyaǵa seníp otyra bermeuí kerek. Masyldyq ūǵymynan bírjola arylu qajet. Jergílíktí bılík ókílderí tabysty kóbeıtu úshín belsene jūmys ísteuge tıís. Byudjet qabyldanatyn kezde «Qansha jūmys orny ashylady, jeke ınvestıtsıya tartyla ma, bıznestíń damuyna qandaı jaǵdaı jasalady, qansha salyq tólenedí?» degen saualdarǵa naqty jauap beríluí kerek. Kúríshtí kúrmekten ajyrata bílu qajet. Būl – barlyq deńgeıdegí ákímder men máslıhattar deputattary, eń aldymen, memleket múddesíne qyzmet etetín bír ūjym, bír komanda degen sóz. Barlyq aımaqtyń máslıhattary men ákímdíkterí bírlesíp, byudjettíń ár teńgesíníń el ıgílígíne jūmsaluyn qamtamasyz etuge míndettí”, – dedí Prezıdent.