Qazaqstan ūlttyq qūramasynyń ókílí Jolaman Bıgabyl Japonıyanyń Aıtı–Nagoya qalalarynda ótíp jatqan XX jazǵy Azıya oıyndarynyń jeńímpazy atandy, – dep habarlaıdy aqshamnews.kz tílshísí.
Karateden kumıte baǵdarlamasy boıynsha 55 kelíge deıíngí salmaq dárejesíníń fınalynda qazaqstandyq sportshy Ózbekstan ókílí H. Halımovpen kezdestí. Jolaman Bıgabyl sheshushí jekpe-jekte qarsylasyn 9:1 esebímen senímdí jeńíp, Azıya oıyndarynyń altyn medalín ıelendí.
Búgínde WKF karate Qazaqstandaǵy būqaralyq sport túrleríníń bírí sanalady. Būl sport elímízdíń 20 óńírínde damytylyp, onymen 77 myńnan astam adam tūraqty túrde aınalysady. Onyń 25 myńǵa juyǵy – áıelder.
Sportshylardy dayarlau ísíne 600-ge juyq jattyqtyrushy tartylǵan. Sonyń íshínde 140 maman auyldyq jerlerde jūmys ísteıdí. Sondaı-aq elímízde jyl saıyn Kazakhstan Open halyqaralyq turnırí ótkízíledí. Būl jarys jasóspírímder men jastar (U21) arasyndaǵy Azıya jáne álem chempıonattaryna sportshylardy íríkteudíń íshkí reıtıngtík turnırleríníń bírí sanalady.
Jolaman Bıgabyldyń jeńísí qazaqstandyq karateshílerdí júıelí dayarlau men elímízdíń óńírlerínde osy sport túrín damytu baǵytyndaǵy jūmystyń nátıjesín taǵy bír márte kórsettí.
ÚShÍNShÍ ALTYN! JOLAMAN BIGABYL KARATEDEN AZIYa OIYNDARYNYŃ ChEMPIONY ATANDY
