20 qyrkúıek kúní Qala kúníne oraı Almaty qalasy muzeıler bírlestígíne qarasty muzeılerde «Ashyq esík kúní» aktsıyasy ótedí, – dep habarlaıdy aqshamnews.kz tílshísí.
Būl kúní qala tūrǵyndary men qonaqtary qalanyń muzeıleríne tegín baryp, muzeı ekspozıtsıyalarymen tanysa alady.
Aktsıya ayasynda kelushíler Almatynyń myńjyldyq tarıhyna qatysty jádígerlerdí, qazaq jáne álem halyqtarynyń muzykalyq aspaptaryn, sondaı-aq kórnektí tūlǵalardyń ómírí men shyǵarmashylyǵyna arnalǵan ekspozıtsıyalardy tamashalaı alady.
Almaty muzeıí (Qabanbaı batyr, 132) men Yqylas atyndaǵy halyq muzykalyq aspaptar muzeıí (Zenkov, 24a) saǵat 10:00-den túngí 00:00-ge deıín jūmys ísteıdí.
Al D.A. Qonaev muzeıí (Tólebaev kóshesí, 117), D.A. Qonaevtyń memorıaldy páter-muzeıí (Tólebaev kóshesí, 119), A. Baıtūrsynūly muzeı-úıí (Baıtūrsynov kóshesí, 60), N. Tílendıevtíń memorıaldy muzeıí (Qonaev kóshesí, 96), S. Mūqanovtyń ádebı-memorıaldyq muzeıí (Tólebaev kóshesí, 125), Ǵ. Músírepovtíń ádebı-memorıaldyq muzeıí (Tólebaev kóshesí, 130) jáne Multımedıalyq dástúrlí muzyka ortalyǵy (Nūrkent yqsham audany, 5/11) saǵat 10:00-den 19:00-ge deıín kelushílerdí qabyldaıdy.
«Ashyq esík kúní» qala tūrǵyndary men qonaqtaryna Almatynyń tarıhy men mádenıetín ár qyrynan tanyp, muzeılerdíń tūraqty ekspozıtsıyalarymen jaqynyraq tanysuǵa múmkíndík beredí.