Qazaqstandyq trıatlonshy Arlan Janabaı Japonıyada ótíp jatqan HH jazǵy Azıya oıyndarynda qola júldege ıe boldy, – dep habarlaıdy aqshamnews.kz tílshísí.
Qazaqstandyq trıatlonshy Arlan Janabaı Japonıyada ótíp jatqan HH jazǵy Azıya oıyndarynda qola júldege ıe boldy.
Arlan Janabaı Azıya oıyndarynda alǵashqy júldení aldy
Japonıyanyń Aıchı prefekturasy men Nagoya qalasynda ótíp jatqan jazǵy Azıya oıyndarynda el qorjynyna alǵashqy qola júlde tústí, dep habarlaıdy QR Turızm jáne sport mınıstrlígí Sportty damytu dırektsıyasynyń baspasóz qyzmetí.
Jarys nátıjesí:
1-oryn. Takaumı Hodjo - 52:56
2-oryn. Chjan Syujuı - 53:05
3-oryn. Arlan Janabaı - 53:11
Arlan Janabaı úshín būl medal halyqaralyq arenadaǵy mańyzdy jetístíkterdíń bírí boldy. 2026 jyly ol Qytaıdyń Taıchjou qalasynda ótken Azıya kubogynyń kezeńínde qola, al Túrkístanda ótken kezeńde kúmís medal jeńíp alǵan.
Būl medal qazaqstandyq trıatlon úshín erekshe mańyzǵa ıe. Būǵan deıín Azıya oıyndary tarıhynda otandyq sportshylar atalǵan sport túrínen bír ǵana qola júlde ıelengen bolatyn. Osylaısha, Arlan Janabaıdyń nátıjesí Qazaqstannyń Azıya oıyndaryndaǵy trıatlonnan alǵan ekínshí júldesí atanyp, ūlttyq qūramanyń júıelí damuyn kórsettí.
Būl jetístík ūlttyq qūramanyń júıelí daıyndyǵy men elímízdegí trıatlondy damytu baǵytynda júrgízílíp jatqan josparly jūmystyń nátıjesí. Sońǵy jyldary beıíndí federatsıyamen bírlesíp sportshylardy dayarlau júıesí jetíldírílíp, halyqaralyq jarys tájírıbesí keńeıtílude. Azıya chempıonattary men ózge de írí halyqaralyq jarystarǵa qatysuǵa erekshe mán berílíp keledí. Mūndaı dodalarda jınaqtalǵan tájírıbe jattyǵu úderísín jetíldíru jáne negízgí keshendí jarystarǵa daıyndyq barysynda eskeríledí.
Búgínde trıatlon Qazaqstannyń 13 óńírínde damytylyp keledí. Sport túríníń geografıyasyn keńeıtu, federatsıya men jattyqtyrushylar qūramynyń júıelí jūmysy, sondaı-aq sport rezervín kezeń-kezeńímen dayarlau ūlttyq qūramanyń aldaǵy nátıjelerín arttyruǵa negíz qalyptastyrady. Arlan Janabaıdyń Azıya oıyndaryndaǵy qola júldesí osy júıelí jūmystyń taǵy bír nátıjesí boldy.
Eske sala keteıík, Aıchı-Nagoyada ótíp jatqan HH jazǵy Azıya oıyndary 4 qazanǵa deıín jalǵasady