Almatyda Qala kúníne oraı 18-20 qyrkúıek aralyǵynda Qazaq memlekettík tsırkíníń auqymdy jobasy – ALMA-FEST CIRCUS óttí, – dep habarlaıdy aqshamnews.kz tílshísí.
Úsh kúnge sozylǵan merekelík ís-shara barysynda Almaty tsırkí qala tūrǵyndary men qonaqtaryna shapıto formatyndaǵy jarqyn baǵdarlamasyn ūsyndy. Merekelík alań Nauryzbaı audanyndaǵy №221 mekteptíń janynda ūıymdastyrylyp, úsh kún boıy kórermender nazaryna áserlí tsırk qoıylymdaryn tamashalady.
ALMA-FEST CIRCUS – Almaty kúníne arnaıy daıyndalǵan Almaty tsırkíníń merekelík jobasy. Jobanyń basty maqsaty – qala tūrǵyndaryna merekelík kúnderdí naǵyz tsırk atmosferasynda ótkízuge, kásíbı tsırk ónerín tamashalauǵa jáne otbasymen bírge jarqyn áser aluǵa múmkíndík beru.
Joba ayasynda bír arenada Qazaqstan, Reseı jáne Ukraınadan kelgen kásíbı tsırk artısterí óner kórsettí. Olardyń qatarynda halyqaralyq tsırk ónerí festıvalderíníń jeńímpazdary men júldegerlerí, sondaı-aq kásíbı arenada mol tájírıbe jınaǵan ónerpazdar boldy.
Baǵdarlama tsırk óneríníń san aluan janryn qamtydy. Kórermender áue gımnastıkasyn, akrobatıkany, ekvılıbrıstıkany, gımnastıkalyq nómírlerdí, sondaı-aq úıretílgen ıtterdíń qatysuymen ótken qoıylymdardy tamashalady. Kúrdelí tryukter, áserlí qoıylymdar men artısterdíń joǵary sheberlígí baǵdarlamanyń mazmūnyn baıytyp, onyń dınamıkalyq sıpatyn aıqyndaı tústí.
ALMA-FEST CIRCUS jobasynyń arnaıy qonaqtarynyń bírí belgílí artıst árí kloun Mūrat Mūtyrǵanov boldy. Onyń óner kórsetuí baǵdarlamanyń eń jarqyn sátteríníń bíríne aınalyp, kórermenderge, ásírese kíshkentaı qonaqtarǵa, kúlkí, quanysh pen kóteríńkí kóńíl kúı syılady.
18, 19 jáne 20 qyrkúıek kúnderí ALMA-FEST CIRCUS shapıtosy túrlí jastaǵy kórermenderdí qabyldady. Kóptegen otbasy úshín būl kúnder jaqyndarymen bírge uaqyt ótkízuge, balalarǵa jańa áser syılauǵa jáne olardy zamanauı tsırk óneríníń san qyrly álemímen tanystyruǵa múmkíndík berdí.
Jobanyń Nauryzbaı audanynda ótkízíluí kásíbı tsırk ónerín audan tūrǵyndaryna jaqyndatyp, qalalyq ortada qoljetímdí mádenı keńístík qalyptastyruǵa múmkíndík berdí.
Úsh kún boıy ALMA-FEST CIRCUS kórermenderge jarqyn emotsıya, ūmytylmas áser, kúlkí men zor qoshemet syılady. Ár qoıylym kórermenderdíń ystyq yqylasyna bóleníp, artısterge kórsetílgen qoldau merekelík atmosferany odan árí jandandyra tústí.
ALMA-FEST CIRCUS Almaty kúníne arnalǵan merekelík ís-sharalardyń bír bólígíne aınalyp, ár buyn ókílderín bír arenada toǵystyrdy. Kórermender óner men mádenıetke, tsırktíń erekshe álemíne boılaı otyryp, qalanyń tuǵan kúnín jaqyndarymen bírge merekeleuge múmkíndík aldy.
Úsh kúndík merekelík baǵdarlama kórermenderge kóteríńkí kóńíl-kúı, jarqyn áser men este qalarlyq sátter syılap, Almatynyń mádenı ómíríndegí aıtuly jobalardyń bíríne aınaldy.