Ulty káris Vlad esimin Bolat dep ózgertti
Áleýmettik jelidegi paraqshasynda ol ne sebepti esimin ózgertkenin baıandady, dep habarlaıdy aqshamnews.kz.
– Men nege Vlad degen esimimdi Bolat dep ózgerttim? Men osylaı, ótken ǵasyrdyń otyzynshy jyldary káristerge aman qalýǵa kómektesken qazaq halqyna alǵysymdy bildirgim keldi, – deıdi ol azamat.
Vlad Mýn esimdi azamat Bolat Mýn bolyp ózgerdi. Jelide onyń bul tańdaýyn kópshilik jaqsy qabyldaǵanymen, «haıp ustap júrsiń» dep synaǵandar da bolǵan.
Alaıda ol eshkimge eshteńe dáleldegisi kelmeıtinin, bul óziniń sanaly sheshimi ekenin jetkizgen.
Ol jelidegi áńgimesiniń birinde Qazaqstandaǵy lagerge aıdalǵan áıelderge qurt laqtyryp, qıyn kezde kómek bergen balalardyń erligin aıtady.
- Olar lagerde orys pa, káris pe, nemis pe – kim otyrǵanyn bilmedi, jaı ǵana adamgershilik tanytty, - deıdi Bolat Mýn.