Almatyda qaldyqtardy bólek jınau ınfraqūrylymyn damytu jūmystary jalǵasuda, – dep habarlaıdy aqshamnews.kz tílshísí.
Kezektí ekínshí shıkízatty jınauǵa arnalǵan tor BCC Life kompanıyasynyń qoldauymen Dostyk Plaza sauda-oıyn-sauyq ortalyǵynyń mańynda ornatyldy.
Alma píshínínde jasalǵan jańa tor qalanyń ekologıyalyq ınfraqūrylymynyń taǵy bír elementíne aınaldy. Bastamany júzege asyruǵa sauda-oıyn-sauyq ortalyǵynyń ákímshílígí men Medeu audanynyń ákímdígí de qoldau kórsettí.
Ekolog, Almaty qalasy Qoǵamdyq keńesíníń múshesí Evgenıı Muhamedjanovtyń aıtuynsha, BCC Life kompanıyasymen seríktestík tek konteıner ornatumen shektelmeıdí.
Kompanıya — «Jasyl keńse 2.0» baǵdarlamasy engízíle bastaǵan alǵashqy ūıym. Joba ayasynda qyzmetkerler jūmys ornynda qaldyqtardy sūryptap qana qoımaı, ekologıyalyq tūrǵydan jauapty ádetterdí kúndelíktí ómírde de qalyptastyrady.
«Barlyq qyzmetker keńsede qaldyqtardy sūryptap qana qoımaı, būl tájírıbení úıde de engízíp, qaldyqtardy Eko-habtarǵa ótkízedí», — dedí Evgenıı Muhamedjanov.
Osylaısha, bastama bír rettík ekologıyalyq aktsıyadan tūraqty ekologıyalyq mádenıettí qalyptastyruǵa baǵyttalǵan júıelí jūmysqa aınalyp otyr. Onyń ayasynda qaldyqtardy bólek jınau qaǵıdattaryn keńsede ǵana emes, kúndelíktí tūrmysta da qoldanu kózdelgen.
«Míne, "Taza Qazaqstan" degenímíz — osy!» — dep atap óttí ekolog.
Qaldyqtardy bólek jınauǵa arnalǵan ınfraqūrylymdy damytu Almaty tūrǵyndarynyń ekologıyalyq mádenıetín qalyptastyruǵa jáne bıznestíń «Taza Qazaqstan» qaǵıdattaryn íske asyruǵa belsendí qatysuyna múmkíndík beredí.