Qazaqtyń rýhanı astanasy sanalatyn Túrkistanda ótken Ulttyq quryltaıda kóterilgen másele tóńireginde óz oıyn bilý maqsatymen Almaty-akshamy.kz tilshisi QR Eńbek sińirgen qaıtarkeri. Quryltaı múshesi, jazýshy Sáýle Dosjanǵa habarlasyp, óz oıyn bilgen edi.
Prezıdent janynan qurylǵan Ulttyq quryltaıdyń múshesi retinde Túrkistanda ótken ekinshi otyrysqa qatystym.
Memleket Basshysynyń aıtqanyndaı «Ulttyq quryltaı bul – arqany keńge salyp otyratyn jıyn emes. Sán-saltanatpen ótkizetin toı da emes. Babalarymyz mańyzdy sheshim qabyldar kezde nemese elge qater tóngen syn saǵatta quryltaı shaqyrǵan».
Alqaly jıynnyń alǵashqy kúninde qoǵam qaıratkerleri men Parlament depýtattary, óńirlik qoǵamdyq keńester músheleri, sarapshylar úsh seksıaǵa bólingen jumys tobynda ózindik usynystaryn aıtyp, qoǵamdaǵy ózekti máselelerdi talqylap, sheshý joldaryn usyndy.
Quryltaıdyń ekinshi kúninde QR Prezıdenti Q.K Toqaev «Ádiletti Qazaqstan – Adal azamat» degen taqyrypty baıandama jasady. Bizdiń quryp jatqan memleketimizdiń álemdegi orny men «Qazaqstan azamaty» degen kók tólqujaty bar adamnyń sapasy qandaı bolýy kerek, qazaq degen ulttyń armany qandaı? El bolý úshin pıǵylymyzdy qalaı ózgerýimiz kerek degen máselelerge óz oıyn aıtyp, pikirin ashyq bildirdi.
«Biz mádenı muramyzdy jan-jaqty dáripteýimiz qajet» atty úshinshi bólimde. Prezıdentiń aıtýynsha, elimizdi jańǵyrtý úshin «jumsaq kúshtiń» múmkindikterin tıimdi paıdalanǵan jón. Tól tarıhymyzda erekshe orny bar tulǵalardyń biryńǵaı tizimin ázirleý qajet. Bul tizim elimizdiń ishinde jáne shetelde jalpyulttyq biregeıligimizdi aıshyqtaıtyn basty ustynǵa aınalmaq»,- dedi.
Syrtqy ister mınıstrligi janyndaǵy «KazAID» halyqaralyq damý agenttigi osy jumysqa uıytqy bolýdy tapsyrdy.
Sonymen qatar Memleket Basshysy Qojahmet Iassaýı kesenesiniń mańyzyna toqtalyp: «Mysaly, ózimiz irgesinde otyrǵan Qoja Ahmet Iassaýı kesenesi baı tarıhymyzdyń sımvoly sanalady. Onyń ult rýhanıatyndaǵy orny erekshe ekenin bilesizder»,- dep nazar aýdartyp, osy kesenege ulttyq mádenı-tarıhı eskertkish mártebesin berý týraly usynysty qoldaıtynyn bildirdi.
Ózge elder qazaqtardy kóshpendilerdiń urpaǵy retinde biledi. Bul da – halqymyzdyń basty brendiniń biri. Kelesi jyly prezıdentimiz Qasym-Jomart Toqaevtyń shaqyrýymmen Qazaqstanda V Dúnıejúzilik kóshpendiler oıyndary ótedi. Bul qadam ulttyq sportty damyta túsýge zor múmkindik beredi dep boljap otyr.
Jyl saıyn uıymdastyrylatyn festıvál, olımpıada, saıys, baıqaý t.b. sharalardyń barlyǵy, túptep kelgende, qoǵam músheleriniń betin beri qaratý úshin «jumsaq kúshtiń» qyzmetin atqaryp otyr.
Halyqaralyq qatynas ǵylymyna «jumsaq kúsh qoldaný» saıasaty degen termındi eń alǵash 1990 jyly amerıkandyq saıasattanýshy, Garvard ýnıversıtetiniń profesory Dj. Naı engizgen. Onyń túsindirýinshe munda bir el ekinshi elge áskerı-tehnıkalyq kúsh-qarý qoldaný emes, kerisinshe beıbit sıpattaǵy ekonomıka, saýda-sattyq, mádenıet pen óner, ıdeologıa, gýmanıtarlyq kómekter arqyly yqpal etip, ózine qaratyp alady), dep óz oıyn bildirdi jazýshy Sáýle Dosjan.