Almatynyń Qala qūrylysyn baqylau basqarmasy Dúısenov kóshesínde ornalasqan «Emıl» kafesíne zańsyz salynǵan qosalqy nysannyń būzylyp jatqanyn habarlady. Sot sheshímímen atalǵan nysan zańsyz dep tanylǵan, – dep habarlaıdy aqshamnews.kz tílshísí.
Būǵan deıín menshík ıesíne qatysty jospardan tys tekseru júrgízílíp, onyń qorytyndysy boıynsha ís materıaldary Almaty qalasynyń Ákímshílík qūqyq būzushylyqtar jóníndegí mamandandyrylǵan audanaralyq sotyna joldanǵan. Sonyń negízínde ákímshílík sharalar qabyldanǵan.
Sot qaulysyna sáıkes, menshík ıesí kafege zańsyz tūrǵyzylǵan ekí qabatty qosalqy qūrylysty būzuǵa míndettelíp, qaıtadan ákímshílík jauapkershílíkke tartylǵan.
Almaty qalalyq sotynyń bıylǵy 8 qańtardaǵy qaulysymen bírínshí satydaǵy sot sheshímí ózgeríssíz qaldyryldy.
Nysandy būzu jūmystary búgín qalalyq Ádílet departamentíníń sot oryndaushylarynyń qatysuymen bastaldy.