Qazaqstan Respublıkasy Qorǵanys mınıstríníń tsıfrlandyru jóníndegí orynbasary Darhan Ahmedıevtíń basshylyǵymen qazaqstandyq áskerı delegatsıya Ázerbaıjan Respublıkasynyń Qorǵanys mınıstrlígínde boldy, – dep habarlaıdy aqshamnews.kz tílshísí.
Qazaqstandyqtar Ázerbaıjannyń aumaqtyq tūtastyǵy men egemendígí jolynda qaza tapqan batyrlardyń qabírleríne taǵzym etíp, Sháhıdter alleyasyna gúl shoqtaryn qoıdy.
Sapar ayasynda Ázerbaıjan Qorǵanys mınıstríníń orynbasary – bas dırektor Agıl Gurbanovpen kezdesu óttí. Taraptar áskerı, áskerı-tehnıkalyq jáne bílím beru salalaryndaǵy yntymaqtastyqtyń qazírgí jaı-kúıí men damu perspektıvalary, sondaı-aq ózara qyzyǵushylyq tudyratyn bírqatar máseleler boıynsha píkír almasty.
Delegatsıya múshelerí Bas jedel basqarmanyń, Halyqaralyq áskerı yntymaqtastyq basqarmasynyń, Baılanys jáne aqparattyq tehnologıyalar bas basqarmasynyń qyzmetímen tanysty. Olar úshín bólímshelerdíń qūrylymy men qyzmet baǵyttary boıynsha brıfıngter ūıymdastyryldy.
Ázerbaıjan Qorǵanys mınıstrlígíníń Kıberqauípsízdík ortalyǵy men N-shí áskerı bólímníń qyzmetíne erekshe nazar audaryldy. Būl bólímshelerdíń erekshelígí – zamanauı qaru-jaraq júıeleríníń, aqparattyq tehnologıyalar qūraldarynyń kıberqauípsízdígín qamtamasyz etu jáne jasandy ıntellekt negízínde kıberqauípterge qarsy ís-qımyl jasau.