Keshe "Ūlttyq qor - Qazaqstan balalaryna. Innovatsıyalyq sayasat jáne jahandyq yqpal etu áleuetí" bírlesken konferentsıya óttí.
Būl turaly Balalar ombudsmení Dınara Zákıeva aıtty.
"Konferentsıya sheńberínde Qazaqstanǵa Washington University in St. Louis USA jáne Maqsut Narikbayev University unıversıtetteríníń "Ūlttyq qor - balalarǵa" baǵdarlamasynyń tájírıbesín zerdeleuge kelgen Washington University in St. Louis ókílderímen kezdestím. Sımpozıum "Ūlttyq qor - balalarǵa" baǵdarlamasyna qyzyǵushylyq tanytqan amerıkandyq unıversıtettegí áríptesterdíń bastamasymen ótkízílgenín aıta ketken jón. Vashıngton unıversıtetíníń Áleumettík damu ortalyǵynyń (CSD) halyqaralyq dırektory Lı Zou Qazaqstannyń tájírıbesín joǵary baǵalady jáne mynany erekshe atap óttí: "Ūlttyq qor - balalarǵa" baǵdarlamasy búkíl álem úshín úlgí bolarlyq revolyutsıyalyq bastama ekenín aıtqym keledí.Būl joba sízderdíń Prezıdentíńízdíń strategıyalyq kózqarasynyń eńbegí jáne qalalarda nemese auyldarda tūratynyna qaramastan, eldegí barlyq balaǵa ınvestıtsıya saluǵa degen ūmtylysy ekenín erekshe atap ótu qajet. Qazaqstannyń jetí mıllıon balasynyń bárí - osy fantastıkalyq kóregen jobanyń benefıtsıarlary bolyp tabylady", - dedí ol.
Lı Zoudyń aıtuynsha, baǵdarlamanyń Qazaqstan úshín de, óńír úshín de jáne búkíl álem úshín de mańyzy zor.
Ol sondaı-aq Sımpozıum Qazaqstan studentterí men azamattaryn, sondaı-aq halyqaralyq qoǵamdastyqty oqytu men tájírıbe almasu úshín tamasha alańǵa aınalǵanyn aıtty.
Ís-sharaǵa Sıngapur, AQSh, Qytaı, Mońǵolıya, Koreya jáne Ázírbaıjan unıversıtetteríníń atynan onnan astam sarapshy delegatsıya qatysty.
