Almatyda kardıologıya, endokrınologıya, gastroenterologıya, nefrologıya jáne sabaqtas salalardaǵy jetekshí mamandardy bíríktírgen «Ūlttyq metabolıkalyq kod 2026» ǵylymı-praktıkalyq konferentsıyasy óttí, – dep habarlaıdy aqshamnews.kz tílshísí.
Ūıymdastyrushylar: S.Asfendıyarov atyndaǵy Qazaq ūlttyq medıtsına unıversıtetí, Kardıologıya jáne íshkí aurular ǴZI, sondaı-aq beıíndí kásíbı qauymdastyqtar.
Ís-shara metabolıkalyq densaulyqqa bíryńǵaı multıjúıelík másele retínde jańa kózqaras qalyptastyruǵa baǵyttaldy. Metabolıkalyq sındrom, semízdík, 2 tıptí qant dıabetí, arterıyalyq gıpertenzıyanyń júrek-qantamyr men gastroenterologıyalyq aurularǵa áserí talqylandy.
Baǵdarlamada: jetekshí sarapshylardyń qatysuymen plenarlyq otyrystar, zamanauı medıtsınanyń negízgí baǵyttary boıynsha taqyryptyq sessıyalar, halyqaralyq farmkompanıyalardyń satellıttík sımpozıumdary, klınıkalyq jaǵdaılar men praktıkalyq tásílderdí talqylau.
Konferentsıya qatysushylary aldynda sóz sóılegen QazŪMU rektory Marat Shoranov:
«Qazaqstandaǵy árbír úshínshí-tórtínshí eresek tūrǵyn metabolıkalyq būzylystar belgíleríne ıe, árí būl patologıya jastar arasynda da jıí anyqtaluda. Sonymen qatar oń úrdíster de baıqalady: profılaktıkalyq tekserulermen qamtu artyp keledí, erte anyqtau algorıtmderí jetíldírílude, medıtsınalyq kómektíń preventıvtí baǵyty kúsheyude. Dárígerdíń qūzyrettílígíne qoıylatyn talaptar da kúsheyude - salmaqty sheshím qabyldau jáne patsıenttí barlyq mańyzdy buyndardyń bírlígí retínde qarastyru mańyzdy», — dep atap óttí.
Kardıologıya jáne íshkí aurular ǴZI Basqarma tóraǵasy Rústem Tóleutaev óz sózínde:
«Qazírgí tańda metabolıkalyq sındrom nozologıyalyq anyqtamalar sheńberínen shyǵyp, júrek-qantamyr, endokrındík jáne gastroenterologıyalyq aurulardyń negízgí qauíp faktorlaryn bíríktíretín tūtas patogenetıkalyq tūjyrymdamaǵa aınaldy», — dedí.
Onyń aıtuynsha, 2021–2025 jyldary medıtsınalyq-sanıtarıyalyq alǵashqy kómek deńgeıínde júrgízílgen skrınıngtík baǵdarlamalar nátıjesínde qamtu 15–20%-ǵa artqan, al qauíp faktorlaryn erte kezeńde anyqtau kórsetkíshí ósken. Būl aurulardyń taraluynyń artuyn, dıagnostıka men medıtsınalyq kómektíń qoljetímdílígíníń jaqsarǵanyn kórsetedí. Osyǵan baılanysty Qazaqstanda profılaktıkalyq baǵdarlamalardy kúsheıtu, gastroenterologıya, endokrınologıya, kardıologıya jáne nefrologıyany ıntegratsıyalau, sondaı-aq táuekelderdí baǵalaudyń tsıfrlyq qūraldaryn engízu basym baǵyttarǵa aınaluda.
Konferentsıyaǵa Frantsıyanyń Bas konsuly Maksım Jerenje jáne Frantsıya elshílígíníń densaulyq saqtau jóníndegí mamany Aleksandra Tırkyuır qatysyp, Arterıyalyq gıpertonıya jáne kardıovaskulyarlyq profılaktıka jóníndegí mamandar qoǵamy men «Serve Qazaqstan» JShS arasynda júrek-qantamyr aurularynyń aldyn alu men baqylau tıímdílígín arttyruǵa baǵyttalǵan Yntymaqtastyq turaly memorandumǵa qol qoıyldy. Būl bastama QR Densaulyq saqtau mınıstrlígí men «Serve» kompanıyasy arasyndaǵy Memorandum ayasynda júzege asyryluda.
Konferentsıya barysynda pánaralyq ózara ís-qımylǵa jáne kardıometabolıkalyq būzylystary bar patsıentterdí basqarudyń zamanauı strategıyalaryn engízuge erekshe nazar audaryldy.
Spıkerler qatarynda Qazaqstannyń tanymal sarapshylary men Europadan kelgen halyqaralyq mamandar. Qatysushylar jańa klınıkalyq ūsynymdardy, zamanauı terapıyalyq tásílderdí jáne ózektí zertteuler nátıjelerín talqylady.
Alǵash ret qatysushylarǵa kardıometabolıkalyq táuekelderdí baǵalau jáne túzetu boıynsha derbestendírílgen ūsynymdary bar metabolıkalyq pasport alu múmkíndígí ūsynyldy.
Konferentsıya kásíbı dıalog alańyna aınalyp, tájírıbe almasuǵa jáne metabolıkalyq aurulary bar patsıentterdí emdeudíń bíryńǵaı tásílín qalyptastyruǵa yqpal ettí.