Almatyda «Analıtıka mektebí. Almaty» jobasyna qatysuǵa ótíním qabyldau bastaldy. Būl joba qalanyń tūraqty damuyna baǵyttalǵan sheshímder ázírleı alatyn bílíktí mamandardy dayarlauǵa arnalǵan bílím beru árí saraptamalyq alań. Bastama qalalyq ortanyń sapasyn arttyrudy, bolashaq ekonomıkany damytudy, mádenı strategıyany qalyptastyrudy jáne halyqaralyq deńgeıde tanymal brendtí ílgeríletudí, sondaı-aq Almatynyń Ortalyq Azıyadaǵy jetekshí megapolıs retíndegí mártebesín nyǵaıtudy kózdeıdí, – dep habarlaıdy aqshamnews.kz tílshísí.
Jobany Almatynyń Jastar sayasaty basqarmasy Qazaqstan Respublıkasy Parlamentí Senatynyń qoldauymen júzege asyrylyp otyr. Būl bastama memlekettík basqaru júıesínde taldamalyq mádenıettí qalyptastyru men derekterge negízdelgen basqaru tásílderín engízuge baǵyttalǵan keshendí jūmystyń bír bólígí sanalady.
2026 jyly Mekteptíń basty taqyryby retínde «Data-Driven City: qalanyń tūraqty damuy» aıqyndaldy. Būl basqarushylyq sheshímderdí derekterge, zamanauı tehnologıyaǵa jáne pánaralyq taldauǵa súıene otyryp qabyldaudyń mańyzdylyǵyn kórsetetín ózektí baǵyt.
Baǵdarlama jūmys tájírıbesí bar, derekterdí taldau, strategıyalyq oılau jáne qala damuyna qatysty qoldanbaly sheshímder ázírleu baǵytyndaǵy qūzyretterín jetíldírgísí keletín jas mamandarǵa arnalǵan.
Qatysushylar urbanıstıka men ekologıyadan bastap turızm, tsıfrlyq ekonomıka jáne kreatıvtí ındustrıyalarǵa deıín Almatynyń negízgí damu baǵyttary boıynsha jūmys ísteıdí.
Alty aptaǵa sozylatyn oqu 2026 jyly 16 mamyr men 20 mausym aralyǵynda oflaın formatta ótkízíledí. Baǵdarlama ayasynda qatysushylar derekterdí jınau men taldaudyń qoldanbaly ádísterín meńgeríp, qalalyq basqaru organdaryna arnalǵan tájírıbelík ūsynystardy qamtıtyn taldamalyq materıaldar ázírleıdí.
Mekteptíń dárískerlerí men tálímgerlerí qatarynda memlekettík qyzmetkerler, halyqaralyq ūıym ókílderí jáne Qazaqstannyń jetekshí sarapshylary bolady.
Joba qorytyndysy boıynsha úzdík taldamalyq sheshímder qala ákímíne ūsynylyp, Almatynyń strategıyalyq damu qūjattaryn ázírleude qoldanyluy múmkín.
40-qa tolmaǵan, joǵary bílímí bar, kemínde 5 jyl eńbek ótílí jáne kórsetílgen baǵyttardyń bírínde kásíbı qūzyretí bar úmítkerler jobaǵa qatysuǵa shaqyrylady. Barlyǵy 60 qatysushy íríkteledí.
Ótíním 2026 jyly 26 sáuírge deıín qabyldanady. Qatysu úshín www.jastaralmaty.kz saıtynda ótíním nysanyn toltyryp, túıíndeme, uájdemelík jáne ūsynym hattardy qosa tapsyru qajet.
«Analıtıka mektebí. Almaty» jobasy qalanyń damuynda jańa tásílderdí qalyptastyruǵa yqpal etetín, sarapshylardy, tájírıbelí árí jas mamandardy bíríktíretín mańyzdy alańǵa aınalmaq.