Qazaqtyń radıosynyń tarıhyna - bír ǵasyr!
Qazaq radıosynyń qūrylǵanyna bıyl – 100 jyl. Alash arysy Ahmet Baıtūrsynūlynyń bastamasymen respublıkalyq radıo tūńǵysh ret 1921 jyly 1 qazanda Orynbor qalasynan habar taratqan, dep habarlaıdy Almaty-akshamy.kz.
Mereıtoıǵa oraı aqparat qūralynyń Almaty qalasyndaǵy ǵımaratynda memorıaldyq taqta ashylyp, sol mańdaǵy ayaldamaǵa «Qazaq radıosy» atauy beríldí. Ǵasyr boıy halyqty tańmen bírge oyatyp, qaltqysyz qyzmet etíp kele jatqan qarashańyraqta ár jyldary Ámíre Qashaubaev, Ahmet Jūbanov, Sháken Aımanov, Ánuarbek Baıjanbaev, Shámshí Qaldayaqov, Mūqaǵalı Maqataev, Ermek Serkebaev syndy bírtuar tūlǵalar qyzmet ettí. Solardyń dauystary men shyrqaǵan ánderí «Altyn qorda» saqtauly.
«Búgín júrekjardy quanysh. Qazaq radıosy – ūlttyń úní. Keshegímíz, búgínímíz, erteńímíz – Qazaq radıosy. Qazaq radıosynan bízdíń túrímíz kórínbese de, júregímíz kórínetín», - deıdí Qazaq radıosynyń ardagerí Qymbat Ábíldaqyzy.
100 jylda radıonyń baı mūrasy jınaqtaldy. Júz myńdaǵan ádebı-sazdy baǵdarlama mıllıondaǵan tyńdaushynyń kóńílínen shyqty. «Altyn qor» – radıonyń negízgí baılyǵy. Sol mol mūraǵat sūryptalyp, tsıfrlandyrylyp keledí.
«Qazaq radıosy – búgínde bírlík pen kelísímníń bíregeı ūltaralyq modelíníń kóshbasshysy. Bízdíń radıo orys jáne qazaq tílderíndegí etnosaralyq baǵdarlamalarymyzdy Germanıyada, Shveıtsarıyada, Avstrıyada, Qazanda, Ázírbaıjanda, Úrímshíde tyńdaıdy. Sonymen qatar bízge jyly lebízderín de jíberíp otyrady. Sondyqtan bízdíń radıo barlyq jaǵdaıda ańyzǵa aınalǵan dep esepteımín», - deıdí «Mosty» nemís baǵdarlamasynyń júrgízushísí Tatyana Jandıldına.
Mereıtoılyq shara barysynda Almatydaǵy Ūlttyq kítaphanada radıonyń tarıhyna arnalǵan kórme ūıymdastyryldy.