Almaty tūrǵyndary «Taza beısenbí» ekologıyalyq aktsıyasyna qatysty, – dep habarlaıdy aqshamnews.kz tílshísí.
aktsıyaAlmatyda kópqabatty tūrǵyn úılerdíń bíríníń tūrǵyndary, PIK ókílderí, «AMANAT» partıyasynyń belsendílerí jáne qala tūrǵyndarymen bírge «Taza Qazaqstan» jalpyūlttyq jobasy ayasynda ótetín partıyanyń dástúrlí «Taza beısenbí» ekologıyalyq aktsıyasyna qatysyp, óz aulalaryn tazalau jūmystaryn júrgízdí.
Tūrǵyndardyń būl bastamasy partıyanyń kópqabatty tūrǵyn úı tūrǵyndarymen tıímdí baılanys ornatuǵa, tūrǵyn úı-kommunaldyq sharuashylyq salasyndaǵy ózektí máselelerdí sheshuge jáne tūrǵyndar, deputattar men jauapty mekemeler arasyndaǵy tíkeleı kommunıkatsıyany kúsheıtuge baǵyttalǵan jańa «TURGYNDAR AMANATY» jobasyna qoldau bíldírudíń kórínísí boldy.
Aktsıya barysynda qatysushylar aula aumaǵyn qoqystan tazartyp, írgeles aumaqty retke keltíríp, kópqabatty tūrǵyn úılerdí kútíp ūstauǵa qatysty ózektí máselelerdí talqylady.
Tūrǵyndardyń aıtuynsha, «TURGYNDAR AMANATY» jobasynyń bastaluy kópqabatty tūrǵyn úı tūrǵyndarynyń máseleleríne júıelí túrde kóńíl bólíne bastaǵanyn kórsetedí.
Qala tūrǵyny:
«TURGYNDAR AMANATY» sıyaqty jobanyń bastalǵanyna óte quanyshtymyz. Kópqabatty tūrǵyn úı tūrǵyndarynyń máseleleríne kóńíl bólíníp, bízben naqty jūmys bastalǵany quantady. Soǵan rızashylyq retínde búgín kórshílerímízben bírge shyǵyp, «AMANAT» partıyasynyń «Taza beısenbí» ekologıyalyq aktsıyasyn qoldauǵa sheshím qabyldadyq. Óz aulamyzdyń taza árí jaıly bolǵanyn ózímíz de qalaımyz. Osyndaı bastamalar tūrǵyndardy bíríktíredí dep oılaımyn.»
KSK ókílderíníń aıtuynsha, joba tūrǵyndar, deputattar jáne jauapty mekemeler arasyndaǵy baılanysty jedel árí tıímdí etuge múmkíndík beríp otyr.
«Berezka» KSK ókílí Baqytkúl Irgembaeva:
«Men osy tūrǵyn úı kesheníníń páter ıeleríníń kooperatıvíníń ókílímín. «AMANAT» partıyasynyń 20 jylǵa juyq múshesímín. Eń aldymen «AMANAT» partıyasyna «TURGYNDAR AMANATY» jobasyn íske qosqany úshín alǵysymdy bíldíremín. PIK ókílí retínde aıtarym, mūndaı format óte qajet boldy. Qazír deputattarmen, jauapty mekemelermen tíkeleı baılanys ornatu áldeqaıda jeńíldedí. Tūrǵyndardyń máselelerín kóteríp, jedel kerí baılanys aluǵa múmkíndík bar. Būl tek bír úıge ǵana emes, basqa nysandarda da naqty nátıje beríp jatyr. Al búgíngí aktsıya — tūrǵyndar, partıya jáne basqarushy ūıymdardyń bírlesíp naqty ís atqara alatynynyń jaqsy mysaly.»
«TURGYNDAR AMANATY» jobasy kópqabatty tūrǵyn úıler tūrǵyndarynyń ómír sapasyn arttyruǵa, tūrǵyn úı-kommunaldyq saladaǵy tıímdí ózara ís-qımyl júıesín qalyptastyruǵa jáne tūrǵyndardy óz úıí men aulasyna qatysty máselelerdí sheshuge belsendí tartuǵa baǵyttalǵan.