Almaty qalasynda 2025–2026 jyldary kólík ınfraqūrylymyn damytu baǵytynda auqymdy jūmystar júzege asyryldy, – dep habarlaıdy aqshamnews.kz tílshísí.
Qaladaǵy joldar jóndelíp, jolaıryqtar salynyp, trotuarlar jańartylyp, ayaldamalar men jaryqtandyru júıelerí ornatyldy. Jobalardyń negízgí maqsaty – qala tūrǵyndarynyń jaıly ómírí úshín jol qozǵalysynyń qauípsízdígín arttyru, kólík keptelísín azaıtu, qoǵamdyq kólíktíń tıímdílígín kúsheıtu.
Seıfullın – Jansúgírov kóshesí qıylysyndaǵy jolaıryq
Almaty qalasynyń Bas josparyn íske asyru maqsatynda jáne Almaty qalasy ákímdígíníń 2013 jylǵy 9 sáuírdegí №2/259 qaulysyna sáıkes, 2025 jyldyń shílde aıynda Seıfullın dańǵyly men Jansúgírov kóshesíníń qıylysyndaǵy kólík jolaıryǵynyń qūrylysy ayaqtaldy. Seıfullın – Jansúgírov kóshelerí qıylysyndaǵy skver mańyna qoǵamdyq kólíkke arnalǵan ayaldama keshení ornatyldy.
Jobanyń negízgí maqsaty – qaladaǵy mańyzdy kólík toraptarynyń bíríndegí joldy keńeıtu jáne jol qozǵalysynyń qauípsízdígín qamtamasyz etu. Būl úshín kóshe qıylystaryndaǵy kólík júktemesín azaıtu, kólík aǵynyn tıímdí ūıymdastyru, jol júru uaqytyn qysqartu, keptelíster men jol-kólík oqıǵalaryn tómendetu, sondaı-aq jol jelísíníń tūraqty árí tıímdí jūmysyn qamtamasyz etu kózdeldí.
Joba ayasynda zamanauı kópdeńgeılí kólík jolaıryǵy salyndy. Onyń qūramyna estakadalar, jol ótkelderí jáne negízgí baǵyttar boıynsha kólíktíń úzdíksíz qozǵaluyn qamtamasyz etetín būrylystar engízíldí. Tūrǵyndardyń qauípsízdígí men qolaılylyǵy úshín 2 jerústí jayau júrgínshíler ótkelí salyndy.
Sonymen qatar syrtqy jaryqtandyru júıelerí, baǵdarshamdar, jol belgílerí jáne qorshaular ornatyldy. Nóser suyn aǵyzu júıesí jasalyp, ınjenerlík jelíler jańǵyrtyldy.
Írgeles aumaqtardy keshendí damytu maqsatynda joldar qaıta jańartylyp, keńeıtíldí, trotuarlar men qoǵamdyq kólík ayaldamalary jabdyqtaldy, sondaı-aq abattandyru jáne kógaldandyru jūmystary júrgízíldí.
Osy jobanyń júzege asyryluy nátıjesínde kólík torabynyń ótkízu qabíletí aıtarlyqtaı artyp, jol keptelísterí azaıdy jáne jol qozǵalysy qauípsízdígíníń deńgeıí joǵarylady.
Kólík ayaldama keshenderí
Almaty qalasy ákímdígíníń 2023 jylǵy 20 qańtardaǵy №1/22 qaulysyna sáıkes, 2025 jyly «7-qalalyq auruhana» jáne «Salem» bazary aumaqtarynda 2 kólík ayaldama keshení salyndy.
Jobanyń negízgí maqsaty – jolaushylardyń túrlí qoǵamdyq kólíkke auysyp mínuín yńǵaıly árí tıímdí etetín zamanauı multımodaldy kólík ınfraqūrylymyn qalyptastyru, sondaı-aq tūrǵyndar úshín kólík qyzmetteríníń qoljetímdílígín arttyru.
Jobany íske asyru barysynda kólík ayaldama keshenderí tolyqtaı salynyp, keshendí túrde jabdyqtaldy. Atap aıtqanda, qalalyq jáne qala mańyndaǵy baǵyttarǵa arnalǵan ayaldama alańdary men jolaushylar mínu-túsu oryndary ūıymdastyryldy. Qoǵamdyq jáne jeke kólík aǵyndaryn tıímdí bólu arqyly qozǵalysty ońtaıly retteu qamtamasyz etíldí.
Jolaushylardyń jaılylyǵy úshín zamanauı kútu pavılondary ornatylyp, olar navıgatsıyalyq júıelermen jáne múmkíndígí shekteulí azamattarǵa qolaıly elementterímen jabdyqtaldy.
Qauípsízdík pen abattandyru máseleleríne erekshe kóńíl bólíndí: syrtqy jaryqtandyru júıelerí ornatylyp, trotuarlar salyndy, sondaı-aq aınaladaǵy aumaq kógaldandyryldy.
«7-qalalyq auruhana» jáne «Salem» bazary kólík-ayaldama keshenderíníń íske qosyluy qalanyń kólík júıesíníń ózara baılanysyn kúsheıtíp, jolaushylardyń auysyp mínu uaqytyn qysqartuǵa, tūrǵyndarǵa qolaıly jaǵdaı jasauǵa jáne atalǵan audandardaǵy kólík qozǵalysyn tıímdí ūıymdastyruǵa múmkíndík berdí.
Jol qūrylysy
Qalanyń shet aımaqtarynda jańa joldar saludyń negízgí maqsaty – kólík ınfraqūrylymyn keshendí damytu jáne tūrǵyndardyń ómír súru sapasyn arttyru.
Būl baǵyttaǵy jūmystar kelesí míndetterdí júzege asyruǵa baǵyttalǵan:
qalanyń shalǵaı jáne qarqyndy damyp jatqan audandarynyń qoljetímdílígín qamtamasyz etu;
ortalyq kóshelerdegí kólík júktemesín azaıtyp, avtokólík aǵynyn tıímdí bólu;
shet aımaq tūrǵyndarynyń jol júru uaqytyn qysqartyp, olardy ískerlík jáne áleumettík ortalyqtarmen baılanystyru;
zamanauı talaptarǵa saı joldar salu arqyly jol qozǵalysy qauípsízdígín arttyru;
qoǵamdyq kólíktíń damuyna jáne onyń tıímdílígín kúsheıtuge qolaıly jaǵdaı jasau;
jańa audandarda shaǵyn jáne orta bıznestíń damuyn yntalandyru arqyly ekonomıkalyq belsendílíktí arttyru;
kólík qoljetímdílígí men tūrmys jaǵdaıyn jaqsartu arqyly áleumettík máselelerdíń aldyn alu;
qalanyń bolashaqtaǵy sáulettí damuyna qajettí ınfraqūrylym qalyptastyru.
Osylaısha, qalanyń shetkí bólíkterínde jańa joldardyń salynuy – qalalyq ortanyń tūraqty damuyna, tūrǵyndarǵa qolaıly boluǵa jáne qalanyń ınvestıtsıyalyq tartymdylyǵyn kúsheıtuge yqpal etetín mańyzdy faktorlardyń bírí.
2025 jyly 8 shaǵynaudanda (Shańyraq-1, Shūǵyla, Shūǵyla-340, Jas Qanat, Alǵabas, Aqjar, Boraldaı, Rahat-Mádenıet) jalpy ūzyndyǵy 35 shaqyrym bolatyn jańa joldar salyndy.
Sonymen qatar, 2025 jyldyń mamyr aıynan 2026 jyldyń mamyr aıyna deıín 4 shaǵynaudanda (Shańyraq-1, Jas Qanat, Shūǵyla, Shūǵyla-340) ūzyndyǵy 19,6 shaqyrym bolatyn jańa joldar paıdalanuǵa beríldí.
Joldardyń ortasha jáne aǵymdaǵy jóndeuden ótuí
Qala kóshelerí boıynda ornalasqan tíreu qabyrǵalaryn qalpyna keltíru jūmystary júrgízílíp, jabyndary, tas jáne granıt qaptamalary qalypqa keltíríldí. Almaty qalasynyń audandaryndaǵy avtomobıl joldary ortasha jóndeuden óttí. Joldardaǵy ınjenerlík lyukter mańyndaǵy asfalt jabyndary jóndeldí.
2026 jylǵa arnalǵan Almaty qalasynyń avtomobıl joldaryn ortasha jóndeu josparyn júzege asty. Ortasha jóndeu ayasynda júrgízílgen jol-qūrylys jūmystaryna kepíldík merzímín 2 jyldan 5 jylǵa deıín ūzardy.
2025 jyly jaqsy jáne qanaǵattanarlyq jaǵdaıdaǵy joldardyń úlesín 95 paıyzǵa jetkízu maqsatynda jalpy ūzyndyǵy 281 shaqyrymdy qūraıtyn 347 kóshede ortasha jol jóndeu jūmystary júrgízíldí. Onyń íshínde ūzyndyǵy 38 shaqyrym bolatyn 15 magıstraldyq kóshe qamtyldy. Atap aıtqanda: Qabanbaı batyr, Qajymūqan, Jūbanov, Ótegen batyr (Ūlyqbek), Maılın, Būqtyrma, Móńke bı, Bekmahanov, Dulatı, Serkebaev, Jarokov, Tóle bı, Bógenbaı batyr, Tílendıev kóshelerí jáne Nazarbaev dańǵyly.
Sonymen qatar ūzyndyǵy 27,8 shaqyrym bolatyn jańa trotuarlar salynyp, jóndeu jūmystary júrgízíldí.
2026 jyly jalpy ūzyndyǵy 271 shaqyrymdy qūraıtyn 335 kóshede ortasha jóndeu jūmystaryn júrgízu josparlanǵan. Onyń íshínde 18 magıstraldyq kóshe qamtylyp, olardyń ūzyndyǵy 45 shaqyrymdy qūraıdy.
Qazírgí tańda 1 sáuírden bastap Jetísu, Zenkov magıstraldyq kóshelerínde, sondaı-aq Jankoja batyr, Mámetova, Shchemyakın kóshelerínde jūmystar júrgízílude.
Negízgí jóndeu jūmystary 1 mausym men 30 qyrkúıek aralyǵynda, yaǵnı mektep kanıkuly kezeńínde atqarylady.
2026 jyly magıstraldyq kóshelerdí jóndeuge jergílíktí byudjetten 11,7 mlrd teńge, al audandyq jáne jergílíktí kóshelerge 13,3 mlrd teńge bólíndí.
2026 jyly Almaty qalasy boıynsha Ūlttyq jol aktıvterí sapasy ortalyǵymen bírlesíp, jol jabynyna aspaptyq zertteu (kern alu ádísímen) júrgízíldí. Jol-qūrylys jūmystarynyń sapasy tūraqty baqylauda.
Kúnníń jylynuyna baılanysty Almaty qalasynda aǵymdaǵy jol jóndeu jūmystary qolǵa alyndy. Búgíngí kúní 66 myń sharshy metrden astam jol jabyny jóndeldí.
Atalǵan jūmystar Gogol, Tóle bı, Rozybakıev, Maqataev, Nauryzbaı batyr, Baıtūrsynov, Qonaev kóshelerínde, sondaı-aq Abaı, Rysqūlov, Seıfullın, Abylaı han dańǵyldarynda júrgízílude.
Osy jūmystar ayasynda 123 lyuk kóterílíp, 374 lyuk auystyryldy jáne 281 jańbyr suyn qabyldau qūrylǵysy jóndeldí.
«Jaıly mektepterge» kíreberís joldar salu
«Jaıly mektep» ūlttyq jobasy ayasynda jáne Almaty qalasy ákímdígíníń 2023 jylǵy 25 qyrkúıektegí №3/547 qaulysyna sáıkes, 2025 jyly 7 jaıly mektepke kíreberís joldar salyndy. Atap aıtqanda: Raıymbek dańǵyly 210, Qarasu, Samǵau – Saǵı Áshímov, Samǵau (Kókoraı), Nūrly dala, Qūlja trakty jáne Shūǵyla – Sabdenov kóshesí baǵyttarynda jūmystar júzege asyryldy. Jalpy ūzyndyǵy 3,9 shaqyrym bolatyn joldar salynyp, 1051 avtotūraq orny ūıymdastyryldy, onyń íshínde múmkíndígí shekteulí azamattarǵa arnalǵan oryndar da qarastyrylǵan.
Jobanyń negízgí maqsaty – bílím beru mekemeleríníń mańynda zamanauı árí qauípsíz kólík ınfraqūrylymyn qalyptastyru. Būl maqsatta mektepterge yńǵaıly kíreberís joldar salynyp, oqushylardyń, ata-analardyń jáne mektep qyzmetkerleríníń kedergísíz qatynauyn qamtamasyz etetín avtotūraqtar ūıymdastyryldy.
Joba ayasynda jol qauípsízdígín arttyruǵa erekshe nazar audaryldy. Atap aıtqanda, trotuarlar, jayau júrgínshíler ótkelderí jáne jaryqtandyru júıelerí salyndy. Sonymen qatar jeke jáne qoǵamdyq kólíktíń qozǵalysyn retteu, jedel qyzmetterdíń erkín qatynauyn qamtamasyz etu, kólík júktemesín azaıtu jáne retsíz avtotūraqtardyń aldyn alu sharalary júzege asyryldy.
Būdan bólek, joba aumaqty tıímdí paıdalanuǵa, ekologıyalyq jaǵdaıdy jaqsartuǵa jáne halyqtyń barlyq sanatyna, sonyń íshínde múmkíndígí shekteulí azamattarǵa qolaıly orta qalyptastyruǵa baǵyttalǵan. Nátıjesínde tūrǵyndardyń ómír súru sapasyn arttyruǵa jáne jaıly qalalyq orta qūruǵa múmkíndík beríldí.
Joba ayasynda myna nysandar boıynsha jūmystar oryndaldy:
Samǵau shaǵynaudany, Saǵı Áshímov kóshesíndegí 1500 oryndyq mektepke avtotūraq salu;
Raıymbek dańǵyly 210 mekenjaıyndaǵy 1500 oryndyq mektepke kíreberís jol salu;
Qarasu shaǵynaudanyndaǵy 2000 oryndyq mektepke kíreberís jol salu;
Raıymbek dańǵyly boıyndaǵy «Nūrly dala» tūrǵyn úı keshení mańyndaǵy 1500 oryndyq mektepke avtotūraq pen kíreberís jol salu;
Shūǵyla shaǵynaudany, Sabdenov kóshesíndegí 2000 oryndyq mektepke avtotūraq salu;
Qūlja traktynyń ońtústígínde jáne Talǵar traktynyń soltústígínde ornalasqan 2000 oryndyq mektepke kíreberís jol salu.
Jeltoqsan kóshesí boıyndaǵy BRT jelísíníń qūrylysy
Almaty qalasynyń Bas josparyn íske asyru maqsatynda jáne Almaty qalasy ákímdígíníń 2024 jylǵy 22 aqpandaǵy №1/105 qaulysyna sáıkes, 2025 jyly ūzyndyǵy 17 shaqyrym bolatyn Jeltoqsan kóshesí boıyndaǵy BRT (Bus Rapid Transit) jelísíníń qūrylysy ayaqtaldy.
Jeltoqsan kóshesíníń trotuaryndaǵy abattandyru elementterínde anyqtalǵan aqaular joıyldy.
Jeltoqsan kóshesíníń batys jáne shyǵys jaǵyndaǵy jol jıegí men jayau júrgínshíler trotuary arasyndaǵy uchaskelerge avtomatty suaru júıesín ornatylyp, kógal, būtalar jáne aǵashtar otyrǵyzyldy.
Jeltoqsan kóshesíníń jol bólígíndegí asfalt-beton jabyny jóndeldí jáne tıístí jol tańbalaryn salu boıynsha qūrylys-montaj jūmystary ayaqtaldy.
Jeltoqsan kóshesín qaıta jańartu ayasynda jayau júrgínshílerge arnalǵan trotuar bólígí (bruschatka, jaryqtandyru, ayaldamalar) tolyq ayaqtaldy.
Jeltoqsan kóshesín rekonstruktsıyalau barysynda kóshe boıyndaǵy syrtqy jaryqtandyru tírekterí qoldanystaǵy standarttar men shamdardyń sapasyn eskere otyryp qalpyna keltíríldí.
Jeltoqsan kóshesí Abaı dańǵylynan Raıymbek dańǵylyna deıín asfalttaldy. Jeltoqsan kóshesíne Abaı dańǵylynan Raıymbek dańǵylyna deıín bruschatka tóseldí.
«Qoldanystaǵy BRT jelísínen Raıymbek dańǵylyna deıíngí BRT jelísíníń qūrylysy. Qūrylystyń 1-kezeńí: Tımıryazev kóshesíníń Baıtūrsynov kóshesínen Jeltoqsan kóshesíne deıíngí bólígí jáne odan árí Jeltoqsan kóshesí arqyly Raıymbek dańǵylyna deıín» jobasynyń negízgí maqsaty – qoǵamdyq kólíkke basymdyq beretín zamanauı jolaushylar ınfraqūrylymyn jáne qoǵamdyq kólík dálízderíníń júıesín qalyptastyru.
Joba qoldanystaǵy jol bólígíníń shekarasynda júzege asyrylyp, jasyl jelekterdí kespeı jáne qalanyń Bas josparyndaǵy bekítílgen «qyzyl syzyqtar» shekarasyn ózgertpeı, tek azdaǵan keńeıtumen júzege asty.
Joba ayasynda qoǵamdyq kólíktíń tıímdílígí men sapasyn arttyruǵa baǵyttalǵan keshendí jūmystar júrgízíldí. Atap aıtqanda, avtobustardyń úzdíksíz qozǵaluyn qamtamasyz etetín arnaıy jolaqtar ūıymdastyryldy. Sonymen qatar barlyq sanattaǵy azamattarǵa qolaıly árí qoljetímdílígí zamanauı ayaldama keshenderí salyndy.
Sondaı-aq jol ınfraqūrylymy jańǵyrtylyp, jol jabyny jańartyldy, qoǵamdyq kólíkke basymdyq beretín baǵdarsham júıelerí ornatyldy jáne jol qozǵalysyn ūıymdastyrudyń zamanauı sheshímderí engízíldí.
Qauípsízdík máselesíne erekshe nazar audarylyp, jol tańbalary syzylyp, jol belgílerí ornatyldy. Būdan bólek, trotuarlardy jóndeu jáne írgeles aumaqtardy abattandyru jūmystary júrgízíldí.
Jeltoqsan kóshesíndegí BRT jobasynyń júzege asyryluy qoǵamdyq kólíktíń qozǵalys jyldamdyǵy men tūraqtylyǵyn arttyryp, jolaushylardyń jol júru uaqytyn qysqartuǵa, sondaı-aq qala tūrǵyndary úshín jaıly árí qauípsíz orta qalyptastyruǵa múmkíndík berdí.