Almaty qalasyndaǵy Almaty qūrylys-tehnıkalyq kolledjíne 2026 jylǵy 19-21 mamyr aralyǵynda Shanhaı ǵylym jáne tehnologıyalar kolledjí delegatsıyasy keledí, – dep habarlaıdy aqshamnews.kz tílshísí.
Sapardyń maqsaty - tehnıkalyq jáne kásíptík bílím beru salasyndaǵy halyqaralyq yntymaqtastyqty damytu ayasynda Almaty qalasyndaǵy kolledjderdíń bíríníń bazasynda bílím men óndírístí ıntegratsıyalau boıynsha Shanhaı ǵylym jáne tehnologıyalar kolledjíníń oqu-tájírıbelík bazasyn ūıymdastyru, jańa avtomobıl ındustrıyasyna, jańa energetıkalyq kólík tehnologıyalaryna, tsıfrlyq dıagnostıkaǵa jáne avtomobıl servısíndegí jasandy ıntellektke arnalǵan kadrlardy dayarlau tájírıbesímen almasu, sondaı-aq bírlesken bílím beru jáne oqu-tájírıbelík yntymaqtastyq formattaryn ūıymdastyru.
Sapar ayasynda mynadaı ís-sharalar josparlanǵan:
Shanhaı ǵylym jáne tehnologıyalar kolledjíníń delegatsıyasyn Almaty qalasynyń tehnıkalyq jáne kásíptík bílím beru júıesímen tanystyru, Almaty qalasy Bílím basqarmasynyń TJKBB bólímíníń basshysy E.M.Ábíshaevpen kezdesu, kólík salasyna mamandar dayarlaıtyn kolledjderge baru, Almaty qūrylys-tehnıkalyq kolledjí bazasynda jańa energetıkalyq kólík qūraldary (NEV) tehnologıyalaryna arnalǵan «Jańa aqyldy energıya. Jarqyn bolashaqqa arnalǵan tehnologıyalar» atty semınar ótkízu, sondaı-aq Almaty jáne Shanhaı qalalarynyń bílím beru ūıymdary arasynda yntymaqtastyq turaly kelísímderge qol qoyu.
Semınar qatysushylary jańa energetıkalyq kólík qūraldary boıynsha mamandar dayarlaudyń zamanauı tásílderín, tartqysh akkumulyatorlyq batareyalardy dıagnostıkalau jáne oqu resurstaryn ázírleu máselelerín talqylaıdy.
Qazírgí avtomobıl ındustrıyasyna kadrlar dayarlau, elektromobıl tehnologıyalary, tsıfrlyq dıagnostıka, avtomobıl servısíndegí jasandy ıntellekt jáne tájírıbege baǵyttalǵan oqytudy damytu máseleleríne erekshe nazar audarylady.
Sapar qorytyndysy boıynsha taraptar 2026-2027 jyldarǵa arnalǵan yntymaqtastyqtyń negízgí baǵyttaryn aıqyndaudy josparlap otyr. Onyń íshínde bírlesken oqu-tájírıbelík bazany qūru, oqytushylardy dayarlau, taǵylymdamalar ūıymdastyru jáne halyqaralyq bílím beru jobalaryn damytu qarastyrylǵan.
Ís-sharaǵa BAQ ókílderín, úkímettík emes ūıymdardyń ókílderín jáne basqa da múddelí tūlǵalardy qatysuǵa shaqyramyz.