Qazaqstandyqtardyń kóbí AES turaly aqparatqa deıín elímízdíń kartasynda mūndaı auyldyń baryn da bílmegen.
AES saluǵa dál osy auyldyń tańdaluy da kezdeısoqtyq emes. Ótken ǵasyrdyń 1973 jyly mamandar bírígíp zertteu jasaǵannan keıín osy ūıǵarymǵa kelgen.
«Alatau Aqparat» medıaholdıngíne sūqbat bergen atom óndírísí salasynyń mamany, ónerkásíptík tūjyrymdamany ázírleushí Ermek Qojamsúgírovtíń aıtuynsha, «Úlken» auylynyń «Balqash» kólíne jaqyn ornalasqandyǵy da tańdauǵa sebep bolǵan.
«Úlken» auyly aldaǵy 2-3 jylda kádímgí qalaǵa aınalyp shyǵa keledí, sebebí ol jerde temír jol, áuejaı, mektepter men auruhanalar jáne qosalqy qūrylystar salynyp, ınfraqūrylymy damıdy. Bír ǵana «Úlken» auylynda AES-te 3 myń adam jūmys ísteıtín bolsa, elímíz boıynsha būl stantsıyanyń qūrylymyn qamtamasyz etetín 30-35 myń maman tartylady. Qazír AES-tíń qūrylysyn salumen 20 myń qazaqstandyq aınalysyp jatsa, stantsıya ashylǵannan keıín mamandar sany 40 myńǵa jetetín bolady. Sondyqtan bíz auyl dep atap júrgenmen, būl qala deuge ábden laıyqty meken», dedí Ermek Qojamsúgírov.