Qazaqstandyq eks-boksshy Gennadıı Golovkın World Boxing uıymynyń prezıdenti bolyp taǵaıyndalǵannan keıin oqyrmandaryna málimdeme jasady, - dep habarlaıdy aqshamnews.kz tilshisi.
"Maǵan World Boxing uıymyn basqarý sıaqty úlken jaýapkershilik júkteldi. Bul – men úshin úlken mártebe. Qazir álemniń túkpir-túkpirinen quttyqtaýlar kelip jatyr jáne olardyń árqaısysy men úshin erekshe qundy. Men jolymdy áýesqoı rıngten bastap, Olımpıada oıyndaryna, álem chempıony ataǵyna jáne tabysty kásipqoı kareraǵa deıin jettim. Týǵan elime jáne árbir qazaqstandyqqa kórsetken qoldaýlary úshin alǵys bildiremin", - deıdi sportshy.
Ol bokstyń Olımpıadada saqtalýy úshin eńbek etetinin erekshe atap ótti.
"Búgin men jańa kezeńge qadam basyp, bokstyń bolashaǵy úshin qyzmet etýge bel býdym. Aldymyzda turǵan basty maqsat – osy sport túrine degen senimdi qaıtarý jáne onyń Olımpıadalyq baǵdarlamada berik saqtalýyn qamtamasyz etý. Biz táýelsiz ári Olımpıadalyq qundylyqtarǵa adal bolamyz", - dedi eks-boksshy.
Aıta keteıik, buǵan deıin memleket basshysy Qasym-Jomart Toqaev Gennadıı Golovkındi halyqaralyq boks federasıasynyń prezıdenti atanýymen quttyqtaǵan edi.