Byltyr 45,7 myń ajyrasu tírkelíptí, – dep habarlaıdy aqshamnews.kz tílshísí.
2025 jyly Qazaqstanda 115,9 myń neke tírkelgen. Jalpy nekelesu koeffıtsıentí 1000 adamǵa shaqqanda 5,69 bolǵan.
Nekelesu kórsetkíshí Astana qalasynda – 1000 adamǵa 6,75, sondaı-aq Qaraǵandy (6,32) jáne Shyǵys Qazaqstan (6,27) oblystarynda jıírek tírkelgen. Eń tómen kórsetkísh Qyzylorda oblysynda – 5,06.
Qalalyq jerde 78,9 myń neke tírkelse (68,1%), auyldyq jerde – 37 myń (31,9%). Alǵash ret nekege tūrǵandardyń ortasha jasy erler arasynda 27,9 jas, áıelder arasynda – 25,3 jas.
Erler arasynda alǵash ret nekege tūrǵandardyń úlesí 77%, áıelder arasynda 78% boldy. Ajyrasqannan keıín nekege qaıta tūrǵandardyń úlesí erlerde – 22%, áıelderde – 21%.
2025 jyly nekeníń basym bólígí jaz aılarynda tírkelgen: mausym – 11 848, shílde – 12 955, tamyz – 12 418. Byltyr otau qūrǵandardyń 80,4%-da monoetnostyq neke bolsa, 19,6% – ūltaralyq neke.
2025 jyly 45,7 myń ajyrasu tírkeldí. Olardyń 34 myńy (74,4%) qalalyq jerde tírkelse, auyldyq jerde – 11,7 myń (25,6%). Jalpy jyldyq ajyrasu koeffıtsıentí 1000 adamǵa shaqqanda 2,24 boldy. Eń joǵary koeffıtsıent Pavlodar oblysynda – 3,43, sondaı-aq Qaraǵandy (3,41) jáne Soltústík Qazaqstan (3,28) oblystarynda tírkeldí. Eń tómengí kórsetkísh Túrkístan oblysynda – 1,03.
Nekede tūru ūzaqtyǵyna qaraı ajyrasulardyń eń úlken úlesí (35%) 1-4 jyl otau qūraǵandarǵa tıesílí. 5-9 jyl bírge tūrǵandar arasyndaǵy ajyrasu – 24%, al úılengennen keıín bír jyl íshínde ajyrasqandar úlesí 8% qūraıdy.