Qazaqstanda mektep baǵdarlamasyna «Kásípkerlík» pánín engízu ūsynylyp otyr, – dep habarlaıdy aqshamnews.kz tílshísí.
digitalbusiness.kz málímetínshe, balalardy bıznes júrgízudíń negízderíne erte jastan úıretu ıdeyasyn «Damu» qorynyń basshysy Farhat Sársekeev kótergen.
Onyń aıtuynsha, qazírgí tańda shaǵyn jáne orta bıznes el ekonomıkasynyń shamamen 40 paıyzyn qūraıdy. Al tírkelgen kásípkerler sany 2,3 mıllıonnan asyp ketken.
— Bíz mektepterge «Kásípkerlík» pánín engízu ıdeyasyn ūsynyp otyrmyz. Balalardy bıznestíń negízderíne mektep qabyrǵasynan bastap úıretu qajet dep sanaımyz. Būl baǵytty qordyń damu strategıyasyna engízu múmkíndígín qarastyryp jatyrmyz. Balalardy tek jaldamaly qyzmetker boluǵa emes, kásípkerlík oılauǵa da baulu mańyzdy, — dedí ol.