Toqaev alǵashqy AES-tiń ataýy úshin halyq arasynda baıqaý jarıalaýdy usyndy, dep habarlaıdy aqshamnews.kz
«Rosatom» kompanıasymen birge salynatyn alǵashqy atom elektr stansasy strategıalyq mańyzǵa ıe. Birer kún buryn onyń qurylysy resmı túrde bastaldy. AES energetıka nysany ǵana emes, ǵylymı-tehnıkalyq progrestiń jarqyn sımvoly bolýǵa tıis. Ázirge onyń ataýy joq. Bul elimizdegi tuńǵysh stansa bolǵandyqtan, halyq arasynda úzdik ataý jóninde baıqaý jarıalaýǵa bolady dep sanaımyn. Osy saıysqa qatysyp, shyǵarmashylyq qarymdaryńyzdy kórsetýge shaqyramyn. Bálkim, sheshim qabyldaǵan kezde sizderdiń de usynystaryńyzǵa súıenermiz", – dedi prezıdent búgin Aqordada halyqaralyq pán olımpıadalary jeńimpazdarymen jáne júldegerlerimen kezdesýde.
Aıta keteri, elimizdegi alǵashqy AES-ti reseılik «Rosatom» kompanıasy salady. Energetıka nysany Almaty oblysynyń Úlken aýylynda boı kóteredi. Al ekinshi jáne úshinshi AES-tiń qurylysymen Qytaı kompanıasy aınalysady dep josparlanyp otyr.