Memleket basshysy Groupe ADP kompanıyasynyń bas dırektory Fılıpp Paskalmen kezdesu ótkízdí, – dep habarlaıdy aqshamnews.kz tílshísí.
Qasym-Jomart Toqaev pen Groupe ADP kompanıyasy basshysynyń kezdesuínde Almaty áuejaıyn damytudyń ūzaqmerzímdí perspektıvasyna basa nazar audaryldy.
Prezıdent áue habtaryn damytu kólík-logıstıka salasyndaǵy strategıyalyq basymdyqtardyń bírí sanalatynyn atap óttí.
Memleket basshysynyń baǵalauynsha, Groupe ADP kompanıyasynyń Almaty áuejaıy ınfraqūrylymyn basqaruǵa atsalysuy tabysty seríktestíktíń jarqyn úlgísí bolmaq.
Qasym-Jomart Toqaev kompanıyanyń jańa halyqaralyq termınal salu sekíldí bírqatar mańyzdy jobany tıímdí júzege asyrǵanyna toqtaldy. Būl ınfraqūrylymnyń jańaruyna jáne jolaushylar sanynyń jylyna 14 mıllıonǵa deıín artuyna múmkíndík berdí.
Fılıpp Paskal Almaty áuejaıyn damytuǵa arnalǵan ūzaqmerzímdí bas jospardyń oryndalu barysy turaly aqparat berdí. 2050 jylǵa deıíngí ınvestıtsıyalyq baǵdarlamany júzege asyru áuejaıdyń ótkízu qabíletín jylyna 55 mıllıon jolaushyǵa deıín ūlǵaıtuǵa jol ashady.
Sondaı-aq kezdesude óńírlerdegí áuejaılardy órkendetu boıynsha jańa bírlesken jobalardy ílgeríletu perspektıvasy talqylandy.
Groupe ADP bas dırektory memleket avıatsıyalyq ınfraqūrylymnyń qyzmetíne arnalǵan ońtaıly normatıvtík-qūqyqtyq baza jasaqtaǵanyn aıtty.
Memleket basshysy Bryusselge sapary ayasynda qol qoıylǵan Qazaqstan Úkímetí men Europalyq Odaq arasyndaǵy áue tasymalynyń keıbír aspektílerí turaly kelísím salany damytudaǵy mańyzdy qadam bolatynyna sením bíldírdí.
Groupe ADP – áuejaı ınfraqūrylymyn basqaru salasy boıynsha álemdegí jetekshí kompanıyalardyń bírí. Top Parıjdíń negízgí áuejaılaryn basqarady jáne 20-dan astam eldíń áuejaıyna TAV Airports sekíldí enshíles qūrylymdar arqyly ıelík etedí.