Shetelde kadrlar dayarlau jóníndegí Respublıkalyq komıssıyanyń sheshímímen Qazaqstan Respublıkasynyń 184 azamatyna "Bolashaq" halyqaralyq stıpendıyasy taǵaıyndaldy, – dep habarlaıdy aqshamnews.kz tílshísí.
Onyń íshínde 137 azamat magıstratura baǵdarlamalary boıynsha, 10 azamat doktorantura baǵdarlamalary boıynsha bílím alatyn bolsa, 37 maman kásíbı taǵylymdamadan ótedí.
Sonymen qatar 51 qazaqstandyq álemníń jetekshí ǵylymı-zertteu ortalyqtarynda ǵylymı taǵylymdamadan ótu múmkíndígíne ıe boldy.
Respublıkalyq komıssıyanyń otyrysynda "Bolashaq" baǵdarlamasy ayasynda bakalavr dárejesín aluǵa úmítkerlerge arnalǵan jalpy bílím beretín pánder boıynsha halyqaralyq olımpıadalardyń, ǵylymı jobalardyń halyqaralyq konkurstarynyń jáne halyqaralyq oryndaushylar konkurstarynyń tízbesí bírqatar halyqaralyq oryndaushylar konkurstarymen tolyqtyryldy. Sonymen qatar baǵdarlama tetíkterín odan árí jetíldíruge baǵyttalǵan bírqatar máseleler qaraldy.
Grant ıegerleríníń tízímí "Halyqaralyq baǵdarlamalar ortalyǵy" AQ-nyń resmı saıtynda jarıyalandy.