Úkimet otyrysynda Premer-mınıstr Oljas Bektenov 2025 jyly mańyzdy zańnamalyq bastamalar qabyldanǵanyn atap ótti, - dep habarlaıdy Aqshamnews.kz.
«Medısınalyq saqtandyrý, quqyq buzýshylyq profılaktıkasy, balamaly energetıkany damytý, ınvestısıalyq qorlardy retteý jáne basqa da mańyzdy baǵyttar boıynsha birqatar zań jobasy ázirlenip, Parlament qaraýyna engizildi. Atap aıtqanda, mindetti áleýmettik medısınalyq saqtandyrýǵa qatysty qabyldanǵan sharalar ár azamat úshin qoljetimdi ári sapaly medısınalyq qyzmet kórsetýge múmkindik beredi. Investısıalyq qorlar týraly jańa zań jobasynyń erejeleri kapıtal naryǵyn odan ári tıimdi damytýǵa yqpal etedi», - dep atap ótti Oljas Bektenov.
Sonymen qatar Premer-mınıstr zań jobalaryn engizý merzimderiniń saqtalýyna qatysty máselelerge nazar aýdardy.
«Mysaly, densaýlyq saqtaý týraly zań jobasyn Úkimetke engizý merziminen 30 kúnge keshiktirildi. Mundaıdy doǵarý qajet. Memlekettik organdardyń birinshi basshylary zań jobalaý jumystary josparynyń ýaqtyly iske asyrylýyn tikeleı baqylaýda ustaýy tıis. Sondaı-aq birqatar jobaǵa Úkimet Apparaty men Prezıdent Ákimshiliginiń eskertýlerinen keıin kóp ózgerister engizilip, qaıta pysyqtalady. Jalpy alǵanda, osy jylǵa arnalǵan zań jobalary Parlament qaraýyna engizildi. Demek, jospar oryndaldy dep sanaýǵa bolady», - dedi Oljas Bektenov.