Qazaqstan Respublıkasynyń Úkímetí 2026 jylǵy 15 nauryzda respublıkalyq referendumda qabyldanǵan Qazaqstan Respublıkasynyń Konstıtutsıyasyn túsíndíru jóníndegí ís-sharalar josparyn bekíttí, – dep habarlaıdy aqshamnews.kz tílshísí Primeminister.kz-ke sílteme jasap.
Tıístí qaulyǵa Premer-mınıstr Oljas Bektenov qol qoıdy.
Qūjat Konstıtutsıyanyń negízgí erejelerín túsíndíru boıynsha júıelí jūmysty ūıymdastyruǵa, azamattardyń qūqyqtyq sauattylyǵyn arttyru, Negízgí Zań erejelerínen tuyndaıtyn zańnamalyq sharalardy júzege asyruǵa baǵyttalǵan.
Jospar úsh baǵyt boıynsha 36 ís-sharany qamtıdy: ūıymdastyru sharalary, aqparattyq-túsíndíru jūmystary jáne Konstıtutsıyanyń oryndaluyn qūqyqtyq qamtamasyz etu.
Atap aıtqanda, ūıymdastyrushylyq ís-sharalar ayasynda Konstıtutsıya mátínín basyp shyǵaru jáne taratu, onyń íshínde múgedektígí bar adamdar úshín beıímdelgen formatta ázírleu. Konstıtutsıya elektrondy platformalarda ornalastyrylady.
Sondaı-aq ǵylymı-saraptamalyq qamtamasyz etu, aqparattyq-kórnekí bezendíru, taqyryptyq materıaldar shyǵaru, kórme jáne aǵartushylyq jobalaryn júzege asyru boıynsha ís-sharalar josparlanǵan.
Halyqtyń qūqyqtyq mádenıetí men qūqyqtyq sauattylyǵyn qalyptastyru ísíne kóńíl bólínude. Josparǵa oqytu semınarlary men bílím beru ís-sharalaryn ótkízu, mektep jáne JOO baǵdarlamalarynyń mazmūnyn jańartu, «Qūqyq negízderí» jáne «Zań men tártíp» kurstaryn, ádístemelík materıaldar men balalar basylymdaryn ázírleu kíredí.
Aqparattyq-túsíndíru jūmystary ayasynda bírqatar ís-sharalar men keshendí medıa-jospar ázírlendí.
Konstıtutsıyanyń júzege asyryluyn qūqyqtyq qamtamasyz etu jóníndegí ís-sharalar, onyń íshínde zańnamalyq sharalardy íske asyru, qoldanystaǵy zańnamany taldau, Negízgí Zańnyń normalaryn eskere otyryp, strategıyalar men tūjyrymdamalardy ózektendíru sharalary bólek qarastyrylǵan.
Jalpy Jospar Konstıtutsıya normalaryn halyq arasynda keńínen túsíndírudí jáne elímízdíń Negízgí Zań erejeleríníń tolyqqandy júzege asyryluyn qamtamasyz etedí.