Gvardeısk garnızonynda Qorǵanys mınıstríníń tárbıe jáne ıdeologıyalyq jūmys jóníndegí orynbasary general-maıor Asqar Mūstabekovtyń jetekshílígímen «Ońtústík» jáne «Shyǵys» óńírlík qolbasshylyqtarynyń áskerı bólímderí komandırleríníń tárbıe jūmysy jóníndegí orynbasarlarymen oqu-ádístemelík jıyn óttí, – dep habarlaıdy aqshamnews.kz tílshísí Qorǵanys mınıstrlígíne sílteme jasap.
Ís-sharany ashqan Qorǵanys mınıstríníń orynbasary tárbıelík jūmysty ūıymdastyruǵa qoıylatyn negízgí talaptardy aıqyndap, júıelí tásíldí qamtamasyz etu, profılaktıkalyq baǵytty kúsheıtu jáne lauazymdy tūlǵalardyń áskerı tártíptíń jaı-kúıí úshín jeke jauapkershílígín arttyru qajettígíne nazar audardy.
Sabaqtar barysynda áskerı qyzmetshílerge psıhologıyalyq qoldau kórsetu, emotsıyalyq kúızelístíń aldyn alu jáne daǵdarystyq jaǵdaılardyń profılaktıkasy máseleleríne erekshe kóńíl bólíndí. Problemalyq aspektíler qarastyrylyp, olardy sheshu boıynsha ūsynystar ázírlendí. Sonymen qatar áskerge shaqyrylǵandarmen, jas áskerı qyzmetshílermen jáne dınamıkalyq baqylau tobynda tūrǵandarmen jūmystyń erekshelíkterí aıqyndaldy
Áskerı tártíp pen qūqyqtyq tártíp – jauyngerlík ázírlíktíń negízgí elementteríníń bírí. Būl baǵyt Qorǵanys mınıstrlígí basshylyǵynyń erekshe baqylauynda. Árbír komandır men lauazymdy tūlǵa ózíne seníp tapsyrylǵan bólímshelerdegí tártíp úshín jeke jauapty. Qūqyq būzushylyqtyń árbír faktísí boıynsha qoldanystaǵy zańnama ayasynda tıístí sharalar qabyldanady. «Zań jáne tártíp» qaǵıdaty barshaǵa ortaq jáne múltíksíz saqtaluǵa tıís, – dep atap óttí Qorǵanys mınıstríníń orynbasary.
Jıyn ayasynda garnızon bólímshelerí komandırleríníń orynbasarlarymen keńes ótkízílíp, profılaktıkalyq jūmysty ūıymdastyru jáne qūqyq qorǵau organdarymen ózara ís-qımyl máselelerí qaraldy.
Qūrlyq áskerleríníń oqu ortalyǵynda Qorǵanys mınıstríníń orynbasary áskerı qyzmetshílermen jáne komandalyq qūrammen kezdesuler ótkízdí. Kezdesu barysynda áskerı qyzmet ótkeru jaǵdaılary, jauyngerlík jáne kásíbı dayarlyq deńgeıí, sondaı-aq jeke qūramdy áleumettík qoldau máselelerí talqylandy.
Jūmys saparynyń qorytyndysy boıynsha tárbıelík jáne ıdeologıyalyq jūmystyń basym baǵyttary aıqyndalyp, onyń íshínde profılaktıkalyq jūmysty kúsheıtu, tárbıe jūmysyn jauyngerlík dayarlyq júıesíne yqpaldastyru, lauazymdy tūlǵalardyń jeke jauapkershílígín arttyru, sondaı-aq áskerı qyzmetshílerdí áleumettík qoldaudy jetíldíru sūraqtary erekshe nazarǵa alyndy.