Almatynyń Bostandyq audanynda 68 aula men 67 úıdíń qasbetí jańarady, – dep habarlaıdy aqshamnews.kz tílshísí.
Bostandyq audanynda qalalyq ortany keshendí abattandyru jūmysy 2026 jyly da jalǵasady. Óńírlík kommunıkatsıyalar qyzmetíníń alańynda audan ákímí Azamat Qaldybekov jurnalısterge osylaı dep málímdedí.
«Halyq qatysatyn byudjet» baǵdarlamasy ayasynda jalpy somasy 2 mlrd teńgelík 14 joba íske aspaq. Onyń íshínde qoǵamdyq keńístíktí jóndeu, jayau júrgínshíler aımaǵyn jańartu men suaru júıesín jańǵyrtu da bar.
«Halyq qatysatyn byudjet» baǵdarlamasy tūrǵyndarǵa qalalyq ortany damytuǵa tíkeleı qatysuǵa múmkíndík beredí. Barlyq jobady qala tūrǵyndarynyń sūranysy eskerílgen», - deıdí Azamat Qaldybekov.
Sonymen qatar, audanda aula aumaqtaryn auqymdy jańartu jūmysy qosa júrgízíledí. Kúrdelí jóndeu 52 aulany qamtıdy, taǵy 16 aulada aǵymdaǵy jūmysy josparlanǵan. Abattandyru ayasynda 15 myń sharshy metr aulaíshílík jol jóndelíp, balalar men sport alańyndaǵy 8 myń sharshy metr jabyn jańartylady, sondaı-aq 500 oryndyq pen qoqys jáshígí ornatylady.
Būdan bólek, audanda 67 kópqabatty tūrǵyn úıdíń qasbetín bíryńǵaı sáulettík stılge keltíre otyryp jańartu men keıín sáulettík jaryqtandyru ornatu josparlanǵan. Jalpy 26 nysanǵa jaryqtandyru júıesí ornatylady.
«Bíz aulalardan bastap ǵımarattardyń syrtqy kelbetíne deıín jaıly qalalyq ortany qalyptastyrudy keshendí túrde qolǵa aldyq»,- deıdí ákím.
Barlyq jobany jyldyń sońyna deıín íske asyryp bítpek oıda.