Almatydaǵy Bostandyq audany joldy jóndep, ınfraqūrylymdy jańǵyrtyp jatyr, – dep habarlaıdy aqshamnews.kz tílshísí.
Bostandyq audanynda jol jóndeu men kóshe-jol jelísín damytu jūmysy qarqyn aldy. Óńírlík kommunıkatsıyalar qyzmetínde ótken brıfıngte audan ákímí Azamat Qaldybekov jurnalısterge osylaı dep málímdedí.
Jyl basynan berí audanda 4,3 myń sharshy metr jol jabyny jóndelgen. Jyldyń sońyna deıín būl kórsetkíshtí 40 myń sharshy metrge deıín jetkízbek. Úlken kósheler men aulaíshílík joldarda da jūmys qyzyp jatyr.
«Bíz joldy jaqsartuǵa júıelí túrde qarap, aldymen negízgí joldan bastap, bírtíndep aulaíshílík kóshelerdí qolǵa almaqpyz», — dedí Azamat Qaldybekov.
Sonymen qatar audanda 1 myńnan astam lyuktí auystyryp, ūzyndyǵy 32 shaqyrym bolatyn 50 kóshede ortasha jóndeu jūmysyn júrgízbek oıda.
Būǵan qosa, qauípsízdíktí arttyru men jayau júrgínshíler ınfraqūrylymyn damytu baǵytynda jūmystar qatar júrgízílíp jatyr. Atap aıtqanda, jańa jayau júrgínshíler aımaqtary salynyp, sondaı-aq ál-Farabı dańǵyly boıyndaǵy tehnıkalyq trotuar abattandyrylyp qoıyldy.
Kóshe-jol jelísín jańǵyrtu jūmys jyldyń ekínshí toqsanynda jalǵaspaq.