Almaty qalasy boıynsha QAJ departamentine qarasty №11 mekemesinde “Azamattardyń quqyǵyn qorǵaý jáne qazirgi qoǵamdaǵy quqyqtyq mádenıet deńgeıin arttyrý — áleýmettik turaqtylyq pen quqyqtyq tártipti qamtamasyz etýdegi basty róli” jobasy aıasynda “Kámeletke tolmaǵan sottalǵandar ne bilýi kerek?” degen taqyrypta trenıń ótti.
Bas bostandyǵynan aıyrylǵan jastarǵa QR Prezıdenti janyndaǵy Ulttyq quryltaı múshesi, Áıelder isteri jáne otbasylyq-demografıalyq saıasat jónindegi Ulttyq komısıa tóraǵasynyń orynbasary Aıman Omarova, “Human Rights Lawyers" qoǵamdyq qorynyń prezıdenti, zańger Lázzat Raqysheva, Almaty qalalyq advokattar alqasynyń advokaty Ǵalymjan Joldasbaev jáne basqa da quqyq salasynyń mamandary keńes berdi. Aıaǵyn jaza basqan jasóspirimderge advokattar raqymshylyq týraly zańdy túsindirdi, balalar qoıǵan suraqtarǵa jaýap berdi.
Belgili advokat Aıman Muratqyzy balalardy bostandyqqa shyqqannan keıin durys júrip-turýǵa, ómirin jaqsy jaǵyna ózgertýge umtylýǵa, zańsyz istermen aınalyspaýǵa, Telegram kanaly arqyly ózine tartatyn alaıaqtarǵa aldanbaýǵa, kásip meńgerýge shaqyrdy.
