Almatynyń Almaly audanynda Nauryznama baǵdarlamasy ayasynda «SPORT – DOSTYQ ALAŃY» ūlttyq sport festıvalí óttí, – dep habarlaıdy aqshamnews.kz tílshísí.
Ís-sharaǵa audan ákímdígíníń ókílderí, Íle audanynan kelgen Respublıkalyq analar qoǵamynyń múshelerí qatysty. Sonymen qatar festıvalge audan tūrǵyndary jáne sportta daryndy balalarǵa arnalǵan arnauly mektep-ınternat-kolledjíníń oqushylary qonaq retínde shaqyryldy.
Ashylu rásímínde oqu ornynyń basshysy Jámılá Tanabaeva qatysushylardy Kórísu kúní merekesímen qūttyqtap, jarysqa qatysushylarǵa sáttílík tíledí.
Festıval baǵdarlamasy ayasynda ūlttyq jáne sporttyq oıyndar boıynsha túrlí saıystar ūıymdastyryldy. Qatysushylar asyq atu, kír tasyn kóteru, arqan tartu, qol kúresí jáne sekírtpemen sekíru boıynsha baq synasty. Jarys qorytyndysy boıynsha jeńímpazdardy marapattau rásímí ūıymdastyryldy. Qatysushylar men kórermender úshín kontserttík baǵdarlama ūsynyldy.
Aıta keteıík, festıvaldíń negízgí maqsaty – qala tūrǵyndary arasynda ūlttyq sport túrlerín keńínen nasıhattau jáne salauatty ómír saltyn qalyptastyru.