Túrksíb audanynda áleumettík ınfraqūrylym damyp keledí. Bílím beru men densaulyq saqtau salasynda bír mezette 20-dan astam joba júzege aspaq.
Óńírlík kommunıkatsıyalar qyzmetínde Baqytjan Aqjarov bıyl íske qosylatyn jáne aldaǵy ekí jylǵa josparlanǵan jūmystar turaly aıtty.
Bıyl ayaqtalǵan jobalar:
• №59 mektep-gımnazıyasynyń bólímshesí qaıta jańartyldy,
• jataqhanasy bar Telekommunıkatsıya kolledjíníń qūrylysy.
Jyl sońyna deıín paıdalanuǵa beríletínder:
• Time City, Parasat, Altyn City, Jeti Qazyna tūrǵyn úı keshenínde 6100 oryndyq 4 jańa mektep,
• №50 mekteptíń seısmıkalyq kúsheıtíluí,
• PK Qonaevta 260 oryndyq balabaqsha.
Jas-Qanat shaǵynaudanynda úlken joba — Shyǵarmashylyq damytu ortalyǵynyń qūrylysy bastaldy.
2026 jylǵa arnalǵan jobalar:
• №170 mektepte 125 oryndyq qosymsha ǵımarat salynady,
• №78 mekteptí 450 orynǵa qaıta jańartady.
Sonymen qatar 6 úlken bílím beru nysanynyń jobalau jūmysy júrgízílíp jatyr, onyń íshínde:
• №74, №89, №20 mektepte jańa ǵımarattar salu,
• №142 jáne №84 mekteptí jańǵyrtu,
• Altaı, Álmerek shaǵynaudany men Ogarev kóshesínde balabaqsha jobalau.
Bıyl Jūldyz shaǵynaudanyndaǵy №20 emhanaǵa kúrdelí jóndeu júrgízíldí.
Jyl sońyna deıín ayaqtalatyn jobalar:
• Aıbasov kóshesínde 200 adamǵa arnalǵan ambulatorıya alynady,
• №4 qalalyq klınıkalyq auruhananyń qabyldau bólímín jańǵyrtady.
Namaganskaya kóshesínde auysymyna 500 adam qabyldaıtyn emhana salynady. Onyń qūrylysy keler jyldyń tamyzynda bítpek.
Alty nysan boıynsha jobalyq-smetalyq qūjattama ázírleníp jatyr, oǵan mynalar kíredí:
• 200 adamǵa arnalǵan 2 otbasylyq-dárígerlík ambulatorıya (RV-90 jáne Álmerek sh/a),
• №24 qalalyq emhana men Ftızıopulmonologıya ortalyǵy ǵımarattary kúrdelí jóndeuden ótedí,
• №8 qalalyq klınıkalyq auruhanany jańǵyrtady,
• Qaırat shaǵynaudanynda 340 adamǵa arnalǵan emhana salynady.
