Túrkístanda «Olımpıada ortalyǵy» zamanauı sport keshení ashyldy
Ashyq basseıní bar sport keshenínde tek qana balalar men jasóspírímder úıírmelerí jūmys ístep qana qoımaı, olımpıadalyq sport túrlerí boıynsha ūlttyq qūrama komandalar oqu-jattyǵu jıynyn ótkíze alatyn múmkíndígí bar, dep habarlaıdy Almaty-akshamy.kz
Túrkístan oblysynyń ákímí Ómírzaq Shókeev jáne Ūlttyq Olımpıadalyq komıtettíń vıtse-prezıdentí Danıyar Abulǵazın sport keshenín resmı ashty.
«Oblysymyzda Táuelsízdígímízdíń 30 jyldyǵyn merekeleuge daıyndyq bastalyp kettí. Sol mereke qarsańynda Túrkístan qalasynda kóptegen áleumettík nysandar íske qosylyp jatyr. Ózderíńíz bílesízder, Elbasy Nūrsūltan Nazarbaevtyń tapsyrmasymen Túrkístan qalasyn qaıta jańǵyrtu, jańartu jūmystary júríp jatyr. 2,5 jyldyń íshínde 400-de astam nysan salyndy. Jańa ákímshílík-ískerlík ortalyq, tarıhı, mádenı, turısík ortalyqtar boı kóterdí. Túrkístannyń jańa kelbetí qalyptasyp kele jatyr. Míne, osy damu jospary ayasynda búgín óte keremet sport keshenín ashqaly tūrmyz. Būl nysandy belgílí kásípker Danıyar Abulǵazın óz qarajatyna salyp, Túrkístanǵa tartu etíp otyr. Ózderíńíz kóríp otyrsyzdar, mūnda sportty damytuǵa barlyq jaǵdaı jasalǵan. Sporttyń túr-túrímen jyldyń 4 mezgílínde de úzdíksíz aınalysuǵa bolady. Komandalyq oıyn túrlerí zaly, 50 metrlík basseıní, medıtsınalyq ortalyǵy óte jaqsy jobamen salynǵan. Būl keshen bízdíń jasóspírímder, jastar úshín óte keremet syılyq boldy. Mínekı, aramyzda kúní keshe ǵana álem chempıony atanǵan Sáken Bıbosynov bauyrymyz kelíp otyr. Óńírímízden Sáken sıyaqty chempıondar shyǵa bersín!», - dedí Ómírzaq Shókeev.