Almaty oblysynda órt qaupí joǵary mausymǵa daıyndyq ayasynda táulík boıy jūmys ísteıtín toǵyz baqylau beketí, 13 orman órt stantsıyasy men ondaǵan arnauly tehnıka dayarlandy, – dep habarlaıdy aqshamnews.kz tílshísí.
Óńírlík kommunıkatsıyalar qyzmetí alańynda Almaty oblystyq orman sharuashylyǵy jáne januarlar dúnıesí aumaqtyq ınspektsıyasynyń Orman sharuashylyǵy men erekshe qorǵalatyn tabıǵı aumaqtar bólímíníń basshysy Aıbol Qūsaıynov osylaı dedí.
Onyń aıtuynsha, Almaty oblysynyń memlekettík orman qorynyń jalpy aumaǵy 2,2 mln gektardy qūraıdy. Onyń íshínde 1,2 mln gektary ormanmen kómkerílgen. Orman qoryn qorǵau, saqtau men molyqtyru jūmysyn jetí kommunaldyq orman sharuashylyǵy mekemesí júzege asyrady.
Órt oshaqtaryn erte anyqtau maqsatynda órt qaupí joǵary audandarda táulík boıy kezekshílík atqaratyn toǵyz statsıonarlyq baqylau beketí ūıymdastyrylǵan. Sonymen qatar orman sharuashylyǵy mekemelerí segíz ūshqyshsyz ūshu apparaty men 19 beınebaqylau kamerasyn paıdalanady.
«Bıyl lızıngtík baǵdarlama ayasynda orman sharuashylyǵy mekemelerí 26 tehnıka bírlígín satyp alyp, paıdalanuǵa berdí. Onyń íshínde jetí órt sóndíru avtokólígí, segíz órt sóndíretín shaǵyn keshen men on bír traktor bar», – dedí Aıbol Qūsaıynov.
Qazír óńírdíń orman sharuashylyǵy júıesínde 13 orman órt stantsıyasy jūmys ísteıdí, onda 90 orman órt sóndírushísí qyzmet atqarady. Orman sharuashylyqtary 27 órt sóndíru tehnıkasymen, 43 traktormen, su tasymaldauǵa arnalǵan 17 tírkememen, 683 baılanys qūralymen, 1113 ormanǵa arnalǵan aspaly búríkkíshpen, 102 motopompamen qamtylǵan.
Yqtımal órttí sóndíru úshín kólemí 4,1 tonna dızel otyny men 6,3 tonna benzınnen tūratyn janar-jaǵarmaı qory jasaqtalǵan.
Profılaktıkalyq jūmystar ayasynda orman sharuashylyǵy mekemelerí jalpy aumaǵy 1064 gektar jerdegí qūrǵaq qamysty baqylap órtep, shauyp shyqty. Sonymen qatar mıneraldandyrylǵan jolaqtar da jasap jatyr: josparlanǵan 46 shaqyrymnyń 41 shaqyrymy oryndaldy, al mıneraldandyrylǵan jolaqtardy kútíp ūstau jūmysy kózdelgen 1442 shaqyrymnyń 1188 shaqyrymynda júrgízíldí.
Aqparattyq-túsíndíru jūmystaryna da erekshe kóńíl bólíndí. Orman qory aumaǵynda 847 aqparattyq anshlag ornatylyp, 1194 jadynama taratyldy, 108 dárís ótkízíldí, telearnalarǵa 14 sūhbat berílíp, būqaralyq aqparat qūraldarynda 62 materıal jarıyalandy.
«Qabyldanyp jatqan ūıymdastyrushylyq jáne profılaktıkalyq sharalar órt qaupí joǵary mausymǵa tıístí deńgeıde daıyn bolyp, orman órtíníń tuyndauy men taralu qaupín tómendetuge múmkíndík beredí», – dep qorytyndylady Aıbol Qūsaıynov.