3 mamyr — Túrkí álemíníń yntymaqtastyq kúní.
Túrkílík yntymaqtastyq merekesín atap ótu tarıhyna shamamen 80 jyl tolyp otyr, dep habarlaıdy aqshamnews.kz
Būl tarıhı kún alǵash ret 1944 jyly 3 mamyrda Túrkıyada — Topqana áskerı túrmesínde Nıhal Atsyz, Zákı Uálıdı Toǵan, NedjdetSanjar jáne Reha Oǵyz Túrkkan bastaǵan on tūtqyn tarapynan atap ótílgen.
Sol uaqyttan bastap būl kún keń auqymdy sıpat alyp, túrkíshílder arasynda joǵary deńgeıde atalyp ótetín dástúrge aınaldy.
3 mamyr kúní Bakude, M.Maǵomaev atyndaǵy Ázírbaıjan Memlekettík Akademıyalyq Fılarmonıyasynda Ázírbaıjan Respublıkasy Mádenıet mınıstrlígíníń, Túrkí mádenıetí men mūrasy qorynyń jáne Fılarmonıyanyń bírlesken ūıymdastyruymen Túrkí álemíníń yntymaqtastyq kúníne arnalǵan «Bírlík ruhy» atty kontsert ótedí.
Kontserttík baǵdarlamada Nıyazy atyndaǵy Ázírbaıjan Memlekettík sımfonıyalyq orkestrí (dırıjerler – YalchynAdygózálov jáne Qanat Omarov) men Qazaqstannyń «Tūran» folklorlyq ansamblí óner kórsetedí. Baǵdarlamada Ázírbaıjan, Qazaqstan, Qyrǵyzstan, Túrkıya, Majarstan, Ózbekstan jáne Túríkmenstan kompozıtorlarynyń shyǵarmalary men halyq ánderí oryndalady.