2 shíldede Almatyda tūrǵyn úı sertıfıkattaryn aluǵa ótínímder qabyldau bastalady
Almaty ákímdígí qaıtarymsyz tūrǵyn úı sertıfıkattaryn beruge 2 mlrd teńge bóldí. Būl turaly Óńírlík kommunıkatsıyalar qyzmetíníń baspasóz konferentsıyasy barysynda Tūrǵyn úı sayasaty basqarmasynyń basshysy Danıyar Qyryqbaev aıtty, dep habarlady Almaty-akshamy.kz.
Spıker būl soma ekí myń almatylyqtyń "Otbasy bankínen" jeńíldetílgen ıpoteka alu úshín bastapqy jarnanyń bír bólígín jabu úshín jetkílíktí ekenín aıtty.
Sondaı-aq, Danıyar Qyryqbaev tūrǵyn úı sertıfıkaty "Nūrly jer" memlekettík baǵdarlamasy ayasynda "Shańyraq" jáne "Baqytty otbasy" baǵyttary boıynsha tegín árí qaıtarymsyz negízde 1 mln teńge mólsherínde áleumettík kómek túrínde beríletínín habarlady.
"Sertıfıkattardy kezekte tūrǵan 1-shí jáne 2-shí toptaǵy múgedekter, múgedek balalary bar nemese olardy tárbıelep otyrǵan otbasylar, jetím balalar men ata-anasynyń qamqorlyǵynsyz qalǵan balalar jáne kóp balaly otbasylar alady", – dedí tūrǵyn úı sayasaty basqarmasynyń basshysy.
Spıkerdíń aıtuynsha, 2 shíldede tūrǵyn úı sertıfıkattaryn beru úshín ótíníshterdí qabyldau bastalady.
"Sertıfıkat alu úshín "Otbasy bankte" aldyn ala tólem qabílettílígínen ótken azamattar belgílengen nysandaǵy qūjattarmen jáne ótíníshpen Almaty qalasynyń Tūrǵyn úı sayasaty basqarmasyna júgínedí. Úsh jūmys kúní íshínde qūjattardyń dūrystyǵy men mártebeńízdíń sertıfıkat beru sharttaryna sáıkestígí tekseríledí", – dedí D. Qyryqbaev.
Qajettí qūjattar tízímí:
- nysan boıynsha ótínísh;
- ótínísh berushí men otbasy músheleríníń jeke basyn kuálandyratyn qūjat;
- sońǵy 6 aıdaǵy tabysy turaly anyqtama;
- jūmys ornynan anyqtama;
- Bankten tūrǵyn úı zaemyn berudí maqūldaǵan hat.
Tūrǵyn úı sertıfıkaty tūrǵyn úı zaemyn beruge maqūldau alǵan árí tabysy boıynsha talapqa sáıkes keletín azamattarǵa beríledí: sońǵy jarty jyldaǵy tabysy otbasynyń árbír múshesíne aıyna 106 336 teńgeden aspauy tıís.
Tūrǵyn úı sayasaty basqarmasynyń basshysy ákímdíktíń tūrǵyn úı sertıfıkatynyń maqūldanǵan somasyn "Otbasy banktegí" kezekte tūrǵandardyń jınaq shotyna audaratynyn aıtty. Bank soma túskennen keıín sertıfıkat ıesímen qaryz shartyn nemese ıpotekalyq shart jasaıdy. Tūrǵyn úı sertıfıkatynyń somasyn audarudyń maksımaldy uaqyty maqūldau habarlamasyn alǵannan keıín 5 jūmys kúndí qūraıdy.
D. Qyryqbaevtyń aıtuynsha, Almatyda tūrǵyn úı sertıfıkattaryn aluǵa úmítkerler kóp. Tūrǵyn úı sayasaty basqarmasynyń aıtuynsha, búgínde qalada 9 313 azamat baspanaǵa mūqtaj. Olardyń íshínde 1-shí jáne 2-shí toptaǵy 2 758 múgedek, múgedek bala tárbıelep otyrǵan otbasy sanatyna jatatyn 1 462 adam, 1 890 jetím jáne ata-anasynyń qamqorlyǵynsyz qalǵan balalar, 3 203 kóp balaly otbasy bar.
Tūrǵyn úı sayasaty basqarmasy tūrǵyn úı sertıfıkattaryn alǵysy keletín azamattarǵa konsultatsıyalyq kómek kórsetuge daıyn.
Qazírgí uaqytta Almaty qalasynyń tūrǵyn úı sayasaty basqarmasy Dostyq, 85/Abaı, 1 mekenjaıyndaǵy Áleumettík qyzmetter úıínde ornalasqan.
Jūmys kestesí: saǵat 09: 00-den 18: 00-ge deıín.
Túskí úzílís: 13:00-den 14: 00-ge deıín.
