Tótenshelíkter almatylyqtarǵa qauípsízdík sharalaryn saqtaudy eskerttí, – dep habarlaıdy aqshamnews.kz tílshísí.
2026 jylǵy 3 mausymda megapolıste naızaǵaı oınap, qatty jel tūrady dep boljandy.
Osyǵan baılanysty tótenshelíkter qala tūrǵyndaryna qauípsízdík sharalary boıynsha ūsynystarymen bólístí.
Almaty qalalyq TJD atap ótkendeı, aua raıynyń nasharlauyna baılanysty demalǵysy keletínderge tauǵa shyǵudan bas tartu, al júrgízushílerge kólíkterín aǵashtardyń astyna qoımau ūsynylady.
Sınoptıkterdíń málímetínshe, megapolıste naızaǵaı oınap, sekundyna 18 metr jyldamdyqpen soltústík-batystan qatty jel tūrady dep boljanady.
Qolaısyz aua raıy Bostandyq jáne Medeu audandarynyń tauly aımaqtaryn qamtıdy. Mūnda sekundyna soqqan jeldíń jyldamdyǵy 15-20 metrdí qamtıdy, azdap jańbyr jauady, naızaǵaı oınaıdy dep kútíledí.
"Dauyl eskertuge baılanysty adamdarǵa aǵashtardyń, jarnamalyq qūrylymdardyń jáne elektr jelíleríníń mańyzda tūrmau, sondaı-aq kólíkterdí aǵashtyń sayasyna jáne yqtımal qauíptí nysandardyń janyna qaldyrmau ūsynylady", - deıdí TJD qyzmetkerlerí 2026 jylǵy 2 mausymda qala tūrǵyndaryna.
Sonymen qatar, qūtqarushylar qolaısyz aua raıy basylmaıynsha tauǵa barudan bas tarta tūruǵa keńes beredí. Tótenshe jaǵdaılar tuyndaǵan jaǵdaıda dereu 112 nómíríne habarlasu sūralady.